Popular Bible Verses from Tel tura Godndu 16

Share

Nana kara a kar né gə goo ndutɔrje gə́ Ala lə sí gə́ Njesigənea̰ tɔr dəa’g ya.

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Seḭ a kundaje siŋga sí dɔ maree’g gə mba ndolèje ne goo néra gə́ gə dɔ najee gə mba kar sí síje ne kəmba mee ɓee gə́ Ala lə sí gə́ Njesigənea̰ ar sí lé.