Popular Bible Verses from Juan 19

Share

Rire xutij ri vinagre, tek'uchiri' xub'i'ij: —Xink'is k'u utza'm ri nuchak —xcha'. Ek'uchiri', xuyuxub'a' rujolom y xuq'atisaj ri ranima' puq'ab' ri Dios.

Ek'u ri Jesús reta'am ya xuk'is u'anik ronoje ruchak; yey cha' e ku'ana janipa ri tz'ib'ital kan chupa Ruch'a'tem ri Dios, jewa' xub'i'ij: —Katzajin nuchi' —xcha'.

Echiri' ri Jesús xril pan ruchu k'o putzal ri jun utijo'n lik k'ax kuna' Rire, xub'i'ij k'u pan che ruchu: —Nuchu, chwi k'u wo'ora e alab' la la' —xcha'. Tek'uchiri' xub'i'ij che ri jun utijo'n k'o putzal ri María: —Ek'u ri'at, chwi wo'ora e achu la' —xcha'. Chwi k'u ri', wa jun utijo'n ri Jesús xuk'am b'i ri María cha' ke'jeqela chirocho.

Pero echiri' xeqib' ruk' ri Jesús, xkilo kaminaq chik; ruma ri', na xkiq'ep ta ri raqan. Na ruk' ta k'u ri', jun chike ri soldados xutoq' ruk'alk'a'x ri Jesús ruk' rulanza y k'atetana chupa wa' xel lo kik' y ya'.

Ma ronoje taq wa' xu'ano cha' e ku'ana janipa ri tz'ib'ital kan chupa Ruch'a'tem ri Dios, ma jewa' kub'i'ij: Na kaq'ep tane junoq che rub'aqil. Yey jewa' kub'i'ij Ruch'a'tem ri Dios: Kakil na k'u uwach ri jun xkitoq' ruk'alk'a'x.

Ri Jesús utelem b'i rucruz echiri' xk'am b'i pa ri luwar kab'i'x che “Luwar re Ub'aqil Ujolom Anima'”, yey pa ri ch'a'tem hebreo, “Gólgota”.

Yey ri soldados xkikoj che rujolom ri Jesús jun corona kipach'um ruk' k'iix. Y xkirip jun manta morato chirij.