Popular Bible Verses from Juan 20

Share

Ek'u ri Jesús xub'i'ij tanchi chike: —K'ola utzil chomal iwuk'. Jela' pacha' ri Nuqaw xinutaq lo ri'in, jek'uri'la' ri'in kixintaq b'i ri'ix —xcha'. Ek'uchiri', xuxut'uj kiwi' y xub'i'ij chike: —Chik'ulu ri Santowilaj Ruxlab'ixel ri Dios.

Yey ri Jesús xub'i'ij che: —Tomás, k'a e la' xakojo ruma xawil na nuwach. Nim k'u kiq'ij kalaxik ri na kilom ta nuwach yey na ruk' ta k'u ri', kakikojo ri'in in k'aslik —xcha'.

Tek'uchiri', xub'i'ij che ri Tomás: —Chawila ri nuq'ab' y chaju'u ruwi aq'ab' wara, yey chaju'u pe lo la'q'ab' pa wa nuk'alk'a'x. Mu'an k'u ri xa keb' ak'u'x wuk'; e chakojo' ri'in in k'aslik —xcha'. Ek'uchiri', ri Tomás xub'i'ij che ri Jesús: —¡Lal Wajawal y Lal nu Dios! —xcha'.