Popular Bible Verses from Lucas 5

Share

Echiri' xuk'is ruk'utunik, jewa' xub'i'ij che ri Simón: —Wo'ora chak'ama b'i ri barco chupa ri mar pa lik cho wi y chilik'ij taq k'u ri atarraya chiri' cha' jela' keb'ichap kar —xcha che.

Ri Simón xuk'ul uwach: —Lal tijonel, ronoje raq'ab' xojchakunik y na jinta kar xqachapo. No'j we rilal kintaq la, kan'an ri' —xcha che. Echiri' xkilik'ij b'i ri atarraya, xekichap uk'iyal kar y ri atarraya xujeqo karaqarob'ik.

No'j ri Jesús kel b'i, ke'ek pa taq luwar katz'intz'otik re ku'ana orar.

Jela' k'u ri', ri'in na in petinaq ta che kisik'ixik ri jusuk' kib'inik kisilab'ik, ma e in petinaq che kisik'ixik raj makib' cha' kakijalk'atij ri kib'inik kisilab'ik —xcha'.

Ri Simón Pedro echiri' xril wa', xuxuk rib' chwach ri Jesús y jewa' xub'i'ij che: —Chel ko la wuk', Wajawal. Na taqal ta chwe k'o la wuk' ma in jun achi aj mak —xcha che.

Ek'u ri Jesús xuk'ul uwach: —E janipa ri utz kiwach, na kajawax ta aj kunanel chike; ma wa' xew chike ri e yewa'ib' kajawax wi.

Ek'uchiri' xkesaj lo ri barcos chupa ri mar, xkiya kan ronoje wa' y xeterej b'i chirij ri Jesús.

Ri Jesús k'o chupa jun tinamit re Galilea echiri' xopon jun achi ruk', yey wa'chi lik katajin uq'ayik rucuerpo ruma ri yab'il lepra. Rire echiri' xril uwach ri Jesús, xuxuk rib' chwach, xuqasaj rupalaj chu'lew y xutz'onoj che: —Wajawal, we ka'aj ko la, josq'ij la ri nucuerpo che wa yab'il —xcha'. Ek'uchiri', ri Jesús xuchap pana ruk' ruq'ab' y jek'uwa' xub'i'ij che: —Kuaj, chu'ana b'a chom ri' racuerpo —xcha'. Xew k'u xuk'is ub'i'xikil wa', na jampatana xsach ri yab'il k'o che rachi.

Na ruk' ta k'u ri', e ruma taq ri ku'an ri Jesús, rutzijoxik Rire katajin más reta'maxik kuma ri winaq y lik k'u e k'i kakimol kib' cha' kakita ri kub'i'ij y kekunutaj b'i che ri kiyab'il.