Popular Bible Verses from Lucas 6

Share

Chixsipanoq y jela' ri Dios kasipan chiwe ruk' jun pajb'al lik nim, lik tzanal upa y kapulputik; ma ruk' ri pajb'al kixpajan wi ri'ix, ruk' tanchi wa pajb'al ka'an pajanik chiwe» xcha ri Jesús.

»Jek'ula' e junoq utz uk'u'x, echiri' kach'a'tik, e kel lo ri utz uk'olom chupa ri ranima'. Yey e junoq itzel uk'u'x, echiri' kach'a'tik, e kel lo ri na utz taj uk'olom chupa ri ranima'. Ma ruk' ruch'a'tem ri tikawex, kaq'alajinik sa' ri k'o chupa ri ranima'.

»No'j ri'ix, k'ax cheb'ina'a ri tzel keb'ilow iwe y chi'ana ri utz chike. Chiya'a chaq'i'm na jinta k'o kiwoy'ej chwach. We ki'an wa', lik nim ri sipanik kik'ul chila' chikaj; yey ek'uchiri', paqatzij wi kixu'an ix ralk'o'al ri Jun kataqan chwi ronoje, ma jela' ku'an Rire, kuk'ut ri rutzil uk'u'x chike ri itzel kik'u'x, ri na ketioxin ta chwach ri Dios.

K'ola k'u ri' ri k'axna'b'al k'u'xaj iwuk' jela' pacha' ri Qaqaw Dios lik k'o k'axna'b'al uk'u'x.

»Mi'an ri xa piwe ri'ix kixu'an aj q'atal tzij pakiwi jujun chik, y jela' na kaq'at ta k'u tzij piwi ri'ix. Mi'an ri k'ax kixch'aw chikij jujun chik, y jela' na ka'an ta wa' chiwe ri'ix. We k'o junoq kamakun chiwij, chikuyu umak y jela' kakuytaj imak ri'ix.

»Wo'ora kamb'i'ij chiwe ri'ix ri kixtaw we: K'ax cheb'ina'a ri e aj retzelal k'u'x chiwij. Chi'ana ri utz chike ri tzel keb'ilow iwe. Chitz'onoj ri rutzil uk'u'x ri Dios pakiwi ri kakitz'onoj ri na utz taj piwi ri'ix. Chi'ana k'u orar pakiwi ri tzel kech'a't chiwij.

Ek'u ri'ix chi'ana chike ri tikawex jela' pacha' ri kiwaj kaki'an rike chiwe.

Y we k'o junoq kupach' q'ab' xe' awe', chaya'a luwar che kupach' ri jun chik xe awe'. Y we k'o junoq kumaj raq'u' re pisb'al awij, chaya'a ne luwar che kuk'am b'i rakoton. Chatsipan che ri nib'a' we kutz'onoj to'b'al chawe. Y we k'o junoq kumaj rub'itaq awe, matz'onoj tanchi che.

»Jinta juna chomilaj che' kuya ujiq'ob'alil na chom taj, yey juna che' na chom taj, na kuya ta ujiq'ob'alil chom.

Ma ronoje che' eta'matal uwach ruma rujiq'ob'alil. Na kamol ta higos che taq ri xulukej y na kamol ta uvas che taq ri xukuye'.