Popular Bible Verses from Lucas 9

Share

Xub'i'ij tanchi k'u chike konoje: —We k'o junoq karaj katerej lo chwij, lik chirajawaxik che mu'an xew ri karaj rire, e ronoje q'ij chukuyu ri k'ax kape puwi' ruma ukojom ri nub'i'; yey utz k'u ri' katerej lo chwij.

Ma china ri na kuya ta ranima' ruk'aslem, ri' e kujam ri chomilaj k'aslemal chwach ri Dios; no'j ri kuya ranima' ruk'aslem wuma ri'in, ri' e kuriq ri chomilaj uk'aslemal chwach ri Dios.

Ri Jesús xub'i'ij che: —Na jinta junoq echiri' uchapom rab'ixob'al katzu'n kan chirij, ma ri' na jusuk' ta ri chak ku'ano. Jek'uri'la', we junoq na uya'om ta kan ronoje, na taqal ta che k'o chupa rutaqanik ri Dios —xcha'.

»¿Sa' k'u kutiqoj ri' che juna tikawex we ku'an rajaw ronoje ruwachulew, yey e kujam ruk'aslemal y jela' kusach uwach chirib'il rib'?

Ma china ri kak'ix chwe ri'in y che ri nuch'a'tem, jela' k'u ri' ri in Alaxel Chikixo'l Tikawex kink'ix che rire echiri' kink'un tanchi ruk' runimal nuchomalil, junam ruk' runimal uchomalil ri Nuqaw y kuk' taq ri santowilaj ángeles.

Ek'u ri Jesús xub'i'ij che: —Ri yak k'o kijul y ri tz'ikin kexik'ik' che ruwa kaj k'o kisok; no'j Ralaxel Chikixo'l Tikawex na jinta ne uluwar tob' xa pa kuxlan wi —xcha'.

Xub'i'ij k'u chike: —China ri kuk'ul chupa ri nub'i' junoq na jinta uwach pacha' wa ralko k'o'm, e junam ruk' e in ri kinuk'ulu. Yey china ri kak'uluw we ri'in, e kuk'ul k'u ri Jun taqayom lo we. Ma e ri ku'an ch'uti'n che rib', e lik k'o uwach ri' chwach ri Dios —xcha'.