Popular Bible Verses from Lucas 8

Share

»No'j ri xtzaq kan pa chomilaj ulew, e pacha' ri tikawex kakik'ul pa saqil wi Ruch'a'tem ri Dios y ruk' ronoje kik'u'x kakik'ol pa kanima'. Lik chom k'u ri' ri kilitaj che ri kib'inik.

»Ri xtzaq kan pa taq k'iix, e pacha' ri tikawex kakita Ruch'a'tem ri Dios, yey na kaki'an taj sa' ri kub'i'ij. Kok'il k'u ri' kasach uwach Ruch'a'tem ri Dios k'o pa kanima' ruma rub'is kik'u'x, ri kib'eyomalil y ruqusil ruwachulew; y na chom ta k'u ri' ri kilitaj che ri kib'inik.

»Ri xtzaq kan pa taq ab'aj, e pacha' ri tikawex kakita Ruch'a'tem ri Dios y kakik'ul ruk' ki'kotemal; no'j na e tikil ta chi utz. Kakikoj k'u Ruch'a'tem xa keb' oxib' q'ij; yey echiri' kak'un lo k'amb'al kipa, kakesaj b'i kib' chirij ri Dios.

Tek'uchiri', xub'i'ij chike rutijo'n: —¿Sa' xu'an ri kub'ulib'al ik'u'x wuk'? —xcha chike. Pero rutijo'n lik kixi'im kib' y kaminaq kanima' che. Xkib'i'ij k'u chikiwach: «¿Sa' ruwach wa' wa'chi? ¡Ma tob' ne ri kaqjiq' y ri ya' kakikoj utzij!» xecha'.

»Ri xtzaq kan chuchi' ri b'e, e pacha' ri tikawex kakita Ruch'a'tem ri Dios, pero kak'un lo ritzel winaq y karesaj wa' pa kanima' cha' na kakikoj taj y na kekolob'etaj ta k'u ri'.

Ma kopon ri q'ij echiri' janipa ri na q'alajisam taj, kaq'alajisax na; yey janipa ri ewatalik, keta'maxik.

Echiri' rixoq xrilo xna'b'etaj ruma ri Jesús, xpetik kab'irb'otik. Xuxukub'a' k'u rib' xe'raqan uq'ab' ri Jesús y xutzijoj chikiwach konoje ri winaq su'b'e xuchap ruq'u' ri Jesús y cha'taj xa pa joq'otaj xkunutajik. Ek'u ri Jesús xub'i'ij che: —Ixoq, ruma ri kub'ulib'al k'u'x la wuk', xkunutaj la. Oj k'u la ri' chi utzil chomal —xcha'.

Na jampatana k'ut xe'kik'osoj ri Jesús, jewa' xkib'i'ij che: —¡Qajawal, Qajawal! ¡Kojkamik! —xecha che. Echiri' xyaktaj ri Jesús, xuq'atej ri kaqjiq'. Ek'u ri ya' kel chikaj, xyeni'ik y ri tew xtani'ik.