Popular Bible Verses from Juan 5

Share

’Y c'ani inwareox que tunor tin e axin uyub'i niwojroner y axin ac'upseyan tamar tin xe' uyeb'ta tarien, ayan ucuxtar xe' machi tua' ac'apa. Y machi tua' asatpob' porque loc'oyob' tama e chamer y numuyob' tama e cuxtar xe' machi tua' ac'apa.

Entonces conda e Jesús cay uwira e winic y conda c'otoy unata cob'a año xe' war ucojco e muaquir era, uyare e winic y che: —¿C'ani ca itz'acpa? che e Jesús.

Nox war iche leer meyra uyojroner e Dios porque war inata que tamar taca era c'ani itajwi e cuxtar xe' machi tua' ac'apa, pero jax uyojroner e Dios era xe' war uchecsu tiut chien nen ub'an. Pero nox machi war ic'ani ich'amien y tamar era machi uyub'iox itajwi e cuxtar era xe' machi tua' ac'apa.

Entonces che e Jesús: —Achpen xanen, jacha ach'acte' y cuchu chic, che e Jesús. Entonces wacchetaca quetpa tz'acpesb'ir e winic y ujachi uch'acte' y cay xana tacar. Pero cocha jax era inte' día tua' e jiriar

Entonces ojron e Jesús y che: —C'ani inwareox era que Uyunen e Dios matuc'a erer uche ub'ajner, sino que war uche jax taca lo que war uwira uche Utata. Y tunor lo que uwira uche Utata war uche jaxir ub'an.