Popular Bible Verses from Juan 6

Share

Y che e Jesús: —Nen jax e pan era xe' uyajc'u e cuxtar xe' machi tua' ac'apa. Tunor tin e ayopa taniut machi ixto tua' aytz'a, y tunor tin e ac'upseyan tamaren machi ixto tua' ataqui uti' ub'an.

Unawalir e Dios jax xe' uyajc'u e cuxtar xe' machi tua' ac'apa. Pero uwerir inte' ma cocha erer uyajc'u e cuxtar cocha era. Pues e ojroner lo que war inwareox era tari tua' Unawalir e Dios. Y e ojroner era jax lo que tua' uyajc'u e cuxtar xe' machi tua' ac'apa.

Nox war ixpatna tamar taca lo que c'ani ic'uxi xe' axin ac'apa. Pero más ayan uc'ampib'ir jay ixpatna tua' ich'ami e comida xe' axin uyajc'ox e cuxtar xe' machi tua' ac'apa lo que c'ani inwajc'ox nen xe' Uyunenen e winic. Pues Catata Dios ixin uyajq'uen e c'otorer tua' uyub'ien inwajc'ox e cuxtar era xe' machi tua' ac'apa, che e Jesús.

Y lo que uc'ani Nitata xe' uyeb'ta tarien jax era: Que tunor tin e war uch'ujcu uwiren y xe' war ac'upseyanob' tamaren c'ani uch'amiob' e cuxtar xe' machi tua' ac'apa, y nen tua' insuti imb'ixq'ues tunorob' tujam e chamenob' tama uc'apesnib'ir tunor era, che e Jesús.

Y ojron e Jesús y che: —E patnar lo que uc'ani e Dios tua' iche jax era: Uc'ani tua' ixc'upseyan tamar jaxir xe' eb'etna tari umen e Dios, che e Jesús.

Tunor tin e ajc'unen umen Nitata c'ani ayopob' taniut. Y tunor tin e ayopob' taniut machi tua' intzacre axiob' patir.

Pero cay ojron e Simón Pedro y che: —Niwinquiraret, ¿chito tut tua' caxin non? Tamar taca awojroner net ayan e cuxtar xe' machi tua' ac'apa.

Pues nen jax e pan era xe' b'ixir xe' ecmay tari tut e q'uin. Tunor tin e axin uc'uxi e pan era machi ixto tua' achamay. Pues e pan era jax niwerir xe' war inwajc'u tua' incorpes e gente tara tor e rum, che e Jesús.

Tunor tin e ayopa taniut taresb'ir umen Nitata xe' uyeb'ta tarien. Y tunor tin e watar taniut c'ani asujta ab'ixq'uesnob' tujam e chamenob' nimener tama uc'apesnib'ir tunor era.

Porque e pan xe' war uyajc'u e Dios jax lo que ecmay tari tut e q'uin, y jax jaxir xe' war uyajc'u e cuxtar xe' machi tua' ac'apa tunor e winicob' tara tor e rum, che e Jesús.

Pues nen jax e pan xe' uyajc'u e cuxtar xe' machi tua' ac'apa.

Entonces e Jesús uch'ami e cinco ut pan y uyajc'u gracias e Dios, y cay uyajc'u uyajcanuarob' tua' upuquiob' axin taca tunor e gente era. Y b'an uche taca e chay ub'an, y e gente c'apa uc'uxiob' tunor lo que uc'aniob'. Y conda e Jesús uwira que c'apa wiob' tunor e gente uyare uyajcanuarob' y che: —Morojsenic uch'eir e pan lo que quetpa tama e chiqui' era tua' machi asatpa lo que aquetpa, che e Jesús.

Y conda xanob'ix seis kilómetro tor e ja' tama ubarco, uwirob' que war ayopa e Jesús tutob', y que war axana watar tor e ja'. Pero conda uwirob' b'actob' meyra. Pero e Jesús uyare: —Jax nen. Ira ixb'acta, che e Jesús.