Popular Bible Verses from Luk 13

Share

«Kam gədaŋ me fuləkwey na, ta mambaw ana ŋga na tsəzlehehe na, zləna, hərway i ɓadakwar, ndaw hay haɗadzidzay a da səpam me fuləkwey, amana a da slafama ha kakay.

Ŋgwas ana daha da huɗa, ta fakalaw aha da 'ar ma tərada ka key mevey kurow kava tsakar. A heley na ta megweɗəkwey, zləna a slafa ma lətsada dəba kalkal sakay. Andza Yezu ma nəkada ba na, ŋga ma tsəraɓa guma, ma ləvar: «Ŋgwas eɗey, nəkafa kah ka ləhawa ba da me tərey ɗek.»

Ŋga ma bazləhafa har, arka tsana, ŋga me lətsey dender dender. Arka ŋga ma zlar ma səmbəra Bay ma Bəla.

Kəɗey tok na, da walaŋ ma ndaw madakway dok ana hay na, ndaw ma da tərey ndaw tsəfəmey ana hay na daha. Da walaŋ ma ndaw tsəfəmey ana hay na, ndaw ma da tərey ndaw madakwaydok ana hay, daha.»

A dəba na na, bay ma 'ay ana a da lətsawa, a da wuɗada mambaw, kuray na ma da zarəmawa da bəla na hay na, ka da zlamar me fey mambaw, ta me ləvey aha kava: ‹Bay’ərlam, wurandar mambaw tey!› A da mbəɗəkurawa kava: ‹Kuray ɗaw, i səradakwar ka səmawa da mey tikay!›

a ’ay i ləvakwar; ama haɗaw kuray ka mbəɗadama mendzey kwar hay kakay na, ka da bazlam na kalas andza ma ta neney ana satsa»

Arka a da ləvəmakwar: ‹Kuray a neney hay ɗaw? I səradakwar ka səmawa da may tikay, dam ba dəreŋ ka tsakay ɗaw, kuray a neney me key tek haya kakay ana hay na.›

Yezu me ləvey arka tok: «Təɗe ma malada Slala ma Bay'ərlam na ta mey? I ka malada na ta tek a mey? Ma meley ŋga na na, ta bəzey ma ɓəzaŋ, ndaw me zəgey ma sləkey ay dzerne ŋga, ŋga ma pətsawa, me gəley ha me tərey vəɗe ma tek ɗuhwa ha, arka na ɗiyeŋ ma ’ərlam hay ma kam 'ay ta ka hawal ana hay.»