Popular Bible Verses from Luka 9

Share

Pʋwayɩ lɛ, eheyi patɩŋa payɩ se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ nɛ etisi nɛ ɛtɔɔ kʋñɔŋ siŋŋ paa ɖooye.

Mbʋ́ pʋyɔɔ yɔ, weyi ɛñɩnɩɣ se ɛcaɣ wezuu tam yɔ, ɛtɛŋnɩ-kʋ lesuu. Weyi ɛ́lɛ́ sɩkɩ mɔ-yɔɔ yɔ, ɛcakɩ wezuu tam.

Peeɖe Yesu cosi ɛ́lɛ́ se: «Yee ɛyʋ ɛkpaɣ hakuu se ɛhayɩɣ nɛ eyele ɛnɩɣnɩ lɛɛbʋ yɔ, ɛtamʋna Ɛsɔ Kewiyaɣ taa tʋmlaɖʋ.»

Yee ɛyʋ ehiɣ kedeŋa yɔɔ cɩnɛ ñɩm tɩŋa payɩ nɛ elesi e-wezuu yaa ɛ-maɣmaɣ ɛla asɛyʋʋ lɛ, pɩwazɩɣ-ɩ we?

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ yɔ, ɖɩkaɣ-m kpaʋ ɛ-yɔɔ alɩwaatʋ ndʋ́ Ɛyʋ Pɩyalʋ ma mɛnkpɛndɩɣnɩ mon-koboyaɣ nɛ man-Caa Ɛsɔ ñɩŋga nɛ e-tiyiyaa ñɩŋga nɛ mɔnkɔɔ yɔ.

Peeɖe Yesu cosi-i se: «Pudanaa wɛnɩ pɔŋ nɛ sumasɩ ñɛwɛnɩ ɖandʋ, ɛlɛ́, Ɛyʋ Pɩyalʋ fɛyɩnɩ ñʋʋ ɖɩɖʋyɛ.»

nɛ eheyi-wɛ se: «Yee nɔɔyʋ ɛmʋ pɩɣa cikpelaɣ ɛzɩ kanɛ yɔ mɔ-yɔɔ yɔ, man-tɩ tɩŋa pʋdʋ mʋwa. Weyi ɛmʋ-m yɔ, ɛmʋ ɖɔɖɔ weyi etiyi-m yɔ. Mbʋ́ pʋyɔɔ yɔ, weyi ɛpɩsɩ ɛ-tɩ mɩ-taa pɩɣa yɔ, ɛnʋ lɛ sɔsɔ.»