Popular Bible Verses from 1 KORINTENA 12

Share

Kay Ŋusta vul tam gigekaw tak-taki kayni kay lum mi lop namna ma kepna.

May wulini nigi mi tuwna vi Kristu, gigekaw mi ɓetna valamu hay lopna valamu valamu.

La kepe jar ɓetna ka ci lasi, ɓetna kaf ka ci las kuɗumu. La kepe jar ɓetna fi suburta, ɓetna kaf li firiya hiɗi namu.

Tam mara'a, Ŋusta vulum yoboy ma yalla; tam hena, Ŋusta vulum yoboyn ma wida, kuɗ vulda vi Ŋusta na'ta kepe, tam sa hena, Ŋusta na'ta vulum vida, tam sa hena lo, Ŋusta na'ta vulum vulda-slugota kay muɗ sa moyna goy ŋaa'a. Tam sa hena na' vulum donota kay li sle ma ŋulona, tam hena lo, na' vulum kay di vun-jobta; tam sa hena na' vulum kay poŋ ir ŋusiyana, tam sa hena na' vulum kay wi vun dak-daki, tam sa hena lo, na' vulum kay muɗ vunna.

Slen namna kayni pet lum ti Ŋusta na'ta kepe, na' ɓuraw tam gige kuɗ minda va'a.

Kay ɓurawta ma li hay tuwnaɗi, may kay ɓetna ma var kay tuwam jar-tuwamu kaw.

Vulda slugota ka tak-takɗi, may ŋusta kepe. Lop sunda ka tak-taki, may Bum-Sumun kepe. Donota kay li lopna ka tak-taki, may Lawna kepe ma vul donot hay kafe.

Hay tapna kayni, sem ma jewna Lawna cuk sa Apostolayna, sem ma ma'na sa jobta, sem ma ɦidina sa hatna, bugolda sa ka hiɗi vulda-slugota kay li ɗekka, sa ka hiɗi vulda-slugota kay yer sa moyna goyo, kay gut sumuna, kay ŋom sumuna, kay di vun mara'a mara'a kaw.

Kay tuwna kayni may mi ɓetna ma kepna ɦawaɗi may ɓetna ŋolo.

As di naɗi. May ɓetna vi tuwna ma kiray bay donona lopna valam ka kaw.

La tuwna pet mi ira, hay na'ta humda ka arige? La tuwna pet mi humda, hay na'ta hista ka arige? May Lawna tun ɓetna kaf hay liyna valamu valamu hay tuwna, ki nam min nala. La kaf mi ɓetna kepe, tuwna ka arige?