Popular Bible Verses from يُوحَنَّا 11

Share

وْجَاوْبْهَا يَسُوعْ: «أَنَا هُوَ اللِّي كَنْبْعَتْ النَّاسْ مْنْ الْمُوتْ وْكَنْعْطِيهُمْ الْحَيَاةْ، اللِّي آمْنْ بِيَّ وَاخَّا يْمُوتْ غَيْحْيَا! وْكُلّْ وَاحْدْ حَيّْ وْكَيْآمْنْ بِيَّ، عَمّْرُه مَا غَيْمُوتْ. وَاشْ كَتْآمْنِي بْهَادْ الْكْلَامْ؟».

وْݣَالْ لِيهَا يَسُوعْ: «وَاشْ مَا ݣْلْتْشْ لِيكْ: إِلَا آمْنْتِي رَاهْ غَادِي تْشُوفِي الْعَزّْ دْيَالْ اللَّهْ؟».

وْبْدَا يَسُوعْ كَيْبْكِي.

وْمْلِّي سْمَعْ يَسُوعْ هَادْ الْكْلَامْ، ݣَالْ: «هَادْ الْمَرْضْ مَا غَيْسَالِيشْ بْالْمُوتْ، وَلَكِنْ غَيْبَيّْنْ الْعَزّْ دْ اللَّهْ وْبِيهْ غَادِي يْتّْعْطَى الْعَزّْ لْوَلْدْ اللَّهْ».

وْمْلِّي ݣَالْ هَادْ الْكْلَامْ، عَيّْطْ بْصُوتْ قْوِي وْݣَالْ: «آ لِعَازَرْ، خْرُجْ!». وْخْرَجْ الْمْيّْتْ بْيْدِّيهْ وْرْجْلِيهْ مْرْبُوطِينْ بْالْكْفَنْ، وْوْجْهُ مَلْوِي عْلِيهْ وَاحْدْ الزِّيفْ. وْݣَالْ لِيهُمْ يَسُوعْ: «فْكُّوهْ وْخَلِّيوْهْ يْمْشِي بْحَالُه!».

وْتْأَتّْرْ يَسُوعْ بْزَّافْ فْخَاطْرُه عَاوْتَانِي، وْقَرّْبْ مْنْ الْقْبَرْ. وْكَانْ هَادْ الْقْبَرْ غَارْ، الْبَابْ دْيَالُه مْسْدُودْ بْحَجْرَة.

ݣَالْ يَسُوعْ هَادْ الْكْلَامْ، وْزَادْ مْنْ بَعْدْ ݣَالْ لِيهُمْ: «لِعَازَرْ صَاحْبْنَا نَاعْسْ، وَلَكِنْ غَادِي نْمْشِي نْفَيّْقُه».