Popular Bible Verses from يُوحَنَّا 12

Share

اللِّي بْغَا يْكُونْ خْدَّامْ دْيَالِي، خَاصُّه يْتْبَعْنِي، وْفِينْ مَا نْكُونْ أَنَا غَيْكُونْ حْتَّى الْخْدَّامْ دْيَالِي. وْاللِّي كَانْ خْدَّامْ دْيَالِي غَادِي يْجَازِيهْ الْآبْ.

اللِّي كَيْبْغِي حْيَاتُه رَاهْ غَيْضَيّْعْهَا، وْاللِّي كَيْنْكَرْ حْيَاتُه فْهَادْ الدّْنْيَا رَاهْ غَيْحَافْضْ عْلِيهَا لْلْحَيَاةْ الدَّايْمَة.

وْرَانِي نْݣُولْ لِيكُمْ الْحَقّْ: إِلَا طَاحْتْ حَبَّة دْ الْݣْمْحْ فْالْأَرْضْ وْمَا مَاتْتْشْ، رَاهْ كَتْبْقَى بُوحْدْهَا. وَلَكِنْ إِلَا مَاتْتْ رَاهْ كَتْعْطِي غْلَّة كْتِيرَة.

أَنَا رَاهْ جِيتْ نُورْ لْهَادْ الدّْنْيَا، بَاشْ كُلّْ مْنْ كَيْآمْنْ بِيَّ مَا يْبْقَاشْ فْالضّْلَامْ،

وْإِلَا سْمَعْ شِي وَاحْدْ كْلَامِي وْمَا دَارْشْ بِيهْ رَانِي مَا غَنْحْكَمْشْ عْلِيهْ، حِيتْ أَنَا مَا جِيتْشْ بَاشْ نْحْكَمْ عْلَى نَاسْ الدّْنْيَا وَلَكِنْ بَاشْ نّْجِّيهُمْ.

وْخْدَاتْ مَرْيَمْ قَرْعَة فِيهَا الرِّيحَة دْيَالْ النَّارْدِينْ الْحُرّْ اللِّي تَمَنُه غَالِي بْزَّافْ، وْدْهْنَاتْ رْجْلِينْ يَسُوعْ، وْمْنْ بَعْدْ مْسْحَاتْهُمْ لِيهْ بْشْعَرْهَا. وْوْلَّاتْ الدَّارْ عَامْرَة بْالرِّيحَة دْيَالْ النَّارْدِينْ،

وْهُمَ يَاخْدُو الجّْرِيدْ دْ النّْخَلْ وْخَرْجُو بَاشْ يْتّْلَاقَاوْهْ، وْكَانُو كَيْݣُولُو بْصُوتْ عَالِي: «الْعَزّْ لْلَّهْ! مْبْرُوكْ اللِّي جَايْ بْإِسْمْ الرَّبّْ! مْبْرُوكْ مَلِكْ إِسْرَائِيلْ!».

أَمَّا يَسُوعْ جَاوْبْهُمْ وْݣَالْ: «رَاهْ جَاتْ السَّاعَة اللِّي فِيهَا غَادِي يْتّْعْطَى الْعَزّْ لْوَلْدْ الْإِنْسَانْ.