Popular Bible Verses from مَتَّى 24

Share

وْمْنْ كْتْرَةْ الدّْنُوبْ غَتْبْرَدْ الْمْحَبَّة دْيَالْ نَاسْ كْتَارْ. وَلَكِنْ اللِّي بْقَى تَابْتْ حْتَّى لْلّْخْرْ هَادَاكْ غَيْنْجَا.

وْغَيْتّْخَبّْرْ بْهَادْ الْبْشَارَة دْيَالْ مَمْلَكَةْ اللَّهْ فْالدّْنْيَا كُلّْهَا، وْغَادِي تْكُونْ شْهَادَة لْشْعُوبْ الدّْنْيَا كُلّْهُمْ، وْدِيكْ السَّاعَة غَيْجِي اللّْخْرْ دْ الزّْمَانْ».

وْرَاهْ غَتْسَمْعُو بْالْحَرْبْ وْبْخْبَارْ الْحَرْبْ، وْعَنْدَاكُمْ تّْخَلْعُو! حِيتْ هَادْشِّي كُلُّه لَابْدَّ يْوْقَعْ، وَلَكِنْ مَا غَادِيشْ يْكُونْ هَادَا هُوَ اللّْخْرْ دْ الزّْمَانْ.

حِيتْ غَادِي يْهْجَمْ شَعْبْ عْلَى شَعْبْ، وْمَمْلَكَة عْلَى مَمْلَكَة، وْغَيْجِي الجُّوعْ، وْغَيْضْرَبْ الزّْلْزَالْ فْبْلَايْصْ كْتَارْ. وَلَكِنْ هَادْشِّي كُلُّه غِيرْ الْبْدُو دْيَالْ الْوْجَعْ.

رَاهْ السّْمَا وْالْأَرْضْ غَيْفْنَاوْ وَلَكِنْ كْلَامِي عَمّْرُه مَا غَيْفْنَى».

حِيتْ غَيْجِيوْ بْزَّافْ دْ النَّاسْ وْغَيَاخْدُو الْإِسْمْ دْيَالِي وْغَيْݣُولُو: أَنَا هُوَ الْمَسِيحْ! وْغَيْغَلّْطُو نَاسْ كْتَارْ.

دِيكْ السَّاعَة غَيْسَلّْمُوكُمْ لْلِّي غَادِي يْعَدّْبُوكُمْ وْيْقْتْلُوكُمْ. وْالشّْعُوبْ دْيَالْ الدّْنْيَا كُلّْهُمْ غَيْكَرْهُوكُمْ عْلَى وْدّْ الْإِسْمْ دْيَالِي. وْدِيكْ السَّاعَة بْزَّافْ دْ النَّاسْ غَيْرْجْعُو عْلَى إِيمَانْهُمْ وْغَيْبَيّْعُو بْبَعْضِيَّاتْهُمْ وْغَيْكَرْهُو بْعْضِيَّاتْهُمْ. وْغَيْبَانُو بْزَّافْ دْ الْأَنْبِيَا الْكْدَّابِينْ وْغَيْغَلّْطُو بْزَّافْ دْ النَّاسْ.

وْهُوَ يْجَاوْبْهُمْ يَسُوعْ وْݣَالْ: «رْدُّو بَالْكُمْ لَيْغَلّْطْكُمْ شِي حَدّْ!

عْلَى هَادْشِّي حْتَّى نْتُمَ كُونُو مُوجُودِينْ عْلَاحْقَّاشْ وَلْدْ الْإِنْسَانْ غَيْجِي فْوَاحْدْ الْوَقْتْ مَا غَيْكُونْشْ عْلَى بَالْكُمْ».

إِيوَا سْهْرُو، حِيتْ مَا كَتْعَرْفُوشْ فَاشْ مْنْ وَقْتْ غَيْجِي الرَّبّْ دْيَالْكُمْ.

«أَمَّا دَاكْ النّْهَارْ وْدِيكْ السَّاعَة، مَا كَيْعْرَفْهُمْ حَدّْ، لَا الْمَلَايْكَة دْ السَّمَاوَاتْ وْلَا الْوَلْدْ، مْنْ غِيرْ الْآبْ بُوحْدُه.

حِيتْ غَيْبَانُو نَاسْ كَيْكْدْبُو وْكَيْݣُولُو بْاللِّي هُمَ الْمَسِيحْ، وْنَاسْ خْرِينْ بْاللِّي هُمَ أَنْبِيَا، وْغَيْدِيرُو عَلَامَاتْ وْأُمُورْ عْجِيبَة، بَاشْ يْغَلّْطُو إِلَا قَدْرُو حْتَّى هَادُوكْ اللِّي خْتَارْهُمْ اللَّهْ.

وْكِمَا وْقَعْ فْيَّامْ نُوحْ، هَكَّا غَيْكُونْ الْمْجِي دْيَالْ وَلْدْ الْإِنْسَانْ. حِيتْ كَانُو النَّاسْ فْلِيَّامْ اللِّي قْبَلْ مْنْ الطُّوفَانْ، كَيَاكْلُو وْكَيْشَرْبُو وْكَيْتّْزَوّْجُو وْكَيْزَوّْجُو حْتَّى لْلنّْهَارْ اللِّي دْخَلْ فِيهْ نُوحْ لْلسّْفِينَة. وْمَا كَانُوشْ عَارْفِينْ أَشْ غَيْجْرَا، حْتَّى جَا الطُّوفَانْ وْدَّاهُمْ كُلّْهُمْ. هَكَّا غَيْكُونْ الْمْجِي دْيَالْ وَلْدْ الْإِنْسَانْ.