Popular Bible Verses from 5. Mose 28

Share

Wan jie däm HARN junen Gott woaren jehuarsom sennen, un woaren aul siene Jebooten hoolen, dee ekj junt vondoag jäw, dan woat de HAR jun Gott junt aus een Volkj huach äwa aule aundre Velkja saten.

Wan jie däm HARN junen Gott jehorchen woaren, dan woaren aul dise Säajnungen opp junt komen

De HAR woat junt een Leida mank de Velkja moaken un nich eena dee hinjaraun jeit. Jie woaren junt oppbuaren un nich raufbuaren, wan jie däm HARN junen Gott siene Jebooten, dee ekj junt vondoag jäw, hoolen woaren. Siet väasechtich daut jie dee utfieren

De HAR woat sienen grooten Väarot em Himmel opmoaken un to de rajchte Tiet Räajen jäwen un de Oabeit säajnen, dee jie junt väanämen. Jie woaren no väle Velkja utlieen un von kjeene borjen.

De HAR woat june Fiend, dee jäajen junt komen, toschaund moaken; dee woaren von eene Rechtunk jäajen junt komen un en säwen Rechtungen von junt flichten.

De HAR woat junt en june Stalinjen säajnen, un en aules waut jie junt äwanämen. Hee woat junt en daut Launt, woont de HAR jun Gott junt jeft, säajnen.

De HAR woat junt säajnen, wan jie wajchgonen un wan jie no Hus komen.

De HAR woat june Staut un jun Flekj säajnen.

De HAR woat june Famielje met väl Kjinja säajnen, un june Flekja met goode Arnten, un jun Vee met väl junge.

De HAR woat sikj junt sien jeweidet Volkj moaken, soo aus hee junt vesproaken haft, wan jie de Jebooten von däm HARN junen Gott hoolen woaren un no siene Väaschreften haundlen woaren.

De HAR woat junen Spikja un junen Väarot enne Kjäakj säajnen.

De HAR woat junt een goodet wiedakomen jäwen met väl Kjinja, väl Vee un goode Arnten en daut Launt woont de HAR june Vodasch met een Eit vesproaken haft, junt to jäwen.

Dan woaren aule Velkja oppe Ieed seenen, daut dit Volkj däm HARN sienen Nomen drajcht, un see woaren sikj ver junt ferchten.

un nich eenen Wajch ooda dän aundren von daut Wuat, daut ekj junt vondoag jäw wajchgonen woaren, om aundre Jetta notogonen un to deenen.

Wan jie oba nich jehuarsom woaren sennen, un däm HARN junen Gott siene Jebooten nich krakjt hoolen woaren, dee ekj junt vondoag jäw, dan woaren aul dise Schoden opp junt komen un junt dolschlonen