Popular Bible Verses from 5. Mose 6

Share

Jie sellen däm HARN junen Gott met jun gaunzet Hoat goot sennen, un met june gaunze Seel, un met aul june Krauft.

Schoapt june Kjinja opp met dee, rät von dee, wan jie en jun Hus setten, un wan jie reisen, wan jie junt dol lajen, un wan jie oppstonen.

Dise Wieed dee ekj junt vondoag jäw sell jie nienich vejäten.

Horcht, jie Israeliten: De HAR, un de HAR auleen, es ons Gott.

Binjt dee aun de Haunt opp een Zadel, un aum Stiern en een Henjsel.

Un schrieft dee aun jun Däarejerecht un aun daut Puat to june Staut.

Ieet däm HARN junen Gott un bät bloos am aun. Wan jie waut opp een Eit vespräakjen, dan doot daut en sienen Nomen.

De HAR jun Gott brinjt junt nu en daut Launt nenn, woont hee june Vodasch, Abraham, Isaak, un Jakob vesproaken haft. Daut Launt haft scheene un aunjeseene Städa, dee jie nich oppjebut haben, un haft hiesavoll von goode Sachen, dee jie nich toopjebrocht haben. Doa sent Zistren, dee jie nich utjehakt haben, un Wiengoades un Oliewenbeem, dee jie nich aunjeplaunt haben. Wan jie doavon äten un saut woaren, dan paust opp, daut jie nich däm HARN vejäten, dee junt ut Ägipten, ut de Sklowarie, rut brocht.

Un Moses säd: Dit sent de Jesazen dee de HAR jun Gott mie oppjeef, daut ekj junt dee sajen sull. Hoolt dee wan jie nu en daut Launt nengonen un doa wonen. Soo lang aus jie läwen, jie un june Nokomen, sell jie Forcht haben fa däm HARN junen Gott un dise Jesazen hoolen dee ekj jäw. Doot dit derch jun gaunzet Läwen, soo daut jie eene lange Tiet en daut niee Launt läwen kjennen.

Doot waut rajcht un goot es ver däm HARN, un dan woat aules met junt goot sennen. Dan woa jie kjennen daut goode Launt ennämen un junt moaken, woont de HAR june Vodasch vesproaken haft.

Wan jie aundre Jetta aunbäden, dan woat de HAR met sien Oaja jäajen junt komen un junt gaunz un goa vedoawen. De HAR jun Gott, dee met junt es, vedrajcht kjeenen aundren Gott.

Bät kjeene aundre Jetta aun, soo aus de Jetta von de Velkja runtom junt.

Doot däm HARN junen Gott nich aufproowen, soo aus jie bie Massa deeden.