Popular Bible Verses from 4. Mose 22

Share

Doa muak de HAR de Äselkobbel daut Mul op, un see säd to Bieleam: Waut hab ekj die jedonen, daut du mie aul dree mol jeschloagen hast?

Dan muak de HAR Bieleam de Uagen op, daut hee däm HARN sienen Enjel opp däm Wajch stonen sach met een kolet Schwieet en siene Haunt. Un Bieleam schmeet sikj ver däm dol opp sien Jesecht.

Un däm HARN sien Enjel säd to am: Wuarom hast du diene Äselkobbel nu aul dree mol jeschloagen? Kjikj, ekj hab mie oppjemoakt, om die opptohoolen, wiels du opp eenen faulschen Wajch best.

De Äselkobbel säd to Bieleam: Sie ekj nich diene Kobbel, opp dee du aul lang emma jeräden hast bat disen Dach? Un honk mie daut emol aun, soone Dommheiten met die to driewen? Bieleam säd: Nä, niemols.

Bieleam säd to de Äselkobbel: Wiels du met mie Dommheiten driewen deist! Wan ekj doch een Schwieet enne Haunt haud, dan muak ekj die doot!

Un aus de Äselkobbel däm HARN sienen Enjel sach, foll see unja Bieleam opp Kjneeen. Dan wort Bieleam wuttich, un hee vekjield de Äselkobbel met däm Stock.