Popular Bible Verses from Génesis 21

Share

Ari iquenqueshiretaquero Tasorentsi Sara, imoncarataquero icantasanotaquerori.

Ari iquemaqueri Tasorentsi iraaca, irosati oquemantacari Inampire Tasorentsi jenoqui, icantiro: —Agar, ¿paita oaquempiri? Eiro pitsaroitsi, iquemaqueri Tasorentsi pitomi iraaca poanaquerinta. Pijate pamenajanteri pintinaajanteri, eiro pojoquiritsi. Tempa iriotaque intasoncacoventeri Tasorentsi irishequiasanojeitantanaqueari irishanincajeitajeari iriori coajicani.

Ari otsomontetanaque, irosati otimantacari itomi Abrahama anteashipatanaque ini. Itimantacari, omoncarataca osarentsi icantantacariri.

Ari oquenqueshireaca Sara, ocanti: “Meeca iquimoshiretacaaquena Tasorentsi timanaque notomi. Irotaque noshirontantacari aisati inquempejeitea maaroni quemacojeitenaneri itimaque notomi, oshequi inquimoshireventajeitena.

Iro cantaincha icantiri Tasorentsi: —Eiro poashiretacotaritsi pitomi aisati iriniro. Ocameetsati pintiancajero, pimoncaratero ocantaquempiri pijina Sara. Tempa aitaque nocantaquempi, nomoncarateneri irishanincajeitajeari Isaac oca nocantaquempiri.

Aisati nonquempeteri iriori pashini pitomi, yora otomi pinampire. Nontasoncacoventeri irishequiasanojeitanaque catsini irishanincajeitajeari iriori coajicani; tempa iriotaque pitomi. Ari iquemisantaquero Abrahama icantaqueriri Tasorentsi.