Popular Bible Verses from Luka 17

Share

‘Ua fetalai atu Iesu ‘iā te ia, “‘Inā tula‘i ia, ‘inā alu; o lou fa‘atuatua ‘ua e mālōlō ai.”

Pe ‘āfai e fo‘i fa‘afitu i le aso ‘ona agaleaga mai o ia ‘iā te oe ma fo‘i fa‘afitu i le aso ‘ona liliu mai ‘iā te oe, ‘ua fa‘apea mai, ‘‘Ua ‘ou salamō;’ ‘ia e fa‘amāgalo atu ‘iā te ia.”

O le tasi o i latou, ‘ua na iloa ‘ua fa‘amālōlōina o ia, ‘ona toe fo‘i mai lea o ia, ‘ua vivi‘i atu i le Atua ma le leo tele; ‘ua fa‘apa‘ū faō o ia i ona vae, ‘ua fa‘afetai mai ‘iā te ia; o le Samaria fo‘i o ia.

‘Ia ‘outou ‘iā te ‘outou. Pe ‘āfai ‘ae agaleaga lou uso, ‘ia e a‘oa‘i atu ‘iā te ia; pe ‘āfai e salamō o ia, ‘ia e fa‘amāgalo atu ‘iā te ia.

‘Ona fetalai atu lea o Iesu, “E le‘i fa‘amamāina ‘ea le to‘asefulu? A o ifea le to‘aiva?

‘Ua fetalai atu le Ali‘i, “‘Āfai ‘ua tusa lo ‘outou fa‘atuatua ma le fua o le sinapi, po ‘ua ‘outou fai atu i lenei sukamina, ‘‘Ia lia‘iina oe ma ‘ia totōina i le sami;’ ‘ona usita‘i mai lava lea ‘iā te ‘outou.

O sē sā‘ili ‘ia saogalemū lona ola, e māumau ai ‘iā te ia; a o sē fa‘amaumau ai, e fa‘asaoina e ia.

‘Ua fetalai atu Iesu i le ‘au so‘o, “E lē mafai lava ‘ona lē o‘o mai o mea e tausuai ai; ‘oi talofa fo‘i i lē e o‘o mai ai. E lelei i lea tagata pe a noatia lona ua i se ma‘aolo tele ma lafo ai o ia i le sami, ‘ae leaga lava ‘ona fa‘atausuaiina e ia so latou nei e fa‘atauva‘a.

Pei ‘ona faia fo‘i i ona aso o Noa, e fa‘apea lava ‘ona fai i ona aso o le Atali‘i o le tagata. Na ‘a‘ai i latou ma inu, na latou fai avā fo‘i ma latou fa‘aavaga, ‘ua o‘o lava i le aso na ulu ai Noa i le va‘a, ‘ona o‘o mai ai lea o le lolo, ‘ua oti ai i latou uma.