Popular Bible Verses from Acts 3

Share

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

ꞋEt Peter uyúlhni, “ꞋAw silver ꞌinkꞌez gold cha lhustꞌi, ꞌet hoontsꞌi ndai la ꞌustꞌi-i ngha tísꞌalh. Jesus Christ Nazareth whutꞌen-un whelhtus ꞌinkꞌez booziꞌ gha didinyaih ꞌinkꞌez ninya!”

ꞋInkꞌez Peter ndun dune nulhúsyoh-un nailhnih tsꞌe yula ilhchoot ꞌinkꞌez dedilhya ibulh ooke, ookechunoh tubulh hoolhtus whuzdliꞌ. ꞋAho dudillhoh ꞌinkꞌez nádinya. ꞋEt Lizwif bulugliz whucho tsꞌe bubúlh tizꞌaz. Nuya ꞌinkꞌez ndo túllhuk cha ꞌutꞌen ꞌinkꞌez Yakꞌusda dílhtiꞌ.

ꞋEt Jesus ooba ꞌalhaꞌ yintꞌoh ꞌinkꞌez ndi yé ulhtus ꞌi gha ndun dune soo náꞌuja. ꞋEn ꞌuntꞌoh nilhꞌen. ꞋAlhaꞌ ꞌi be hoontꞌoh ndun dune nohbut usyin-un, ꞌen Jesus ooba ꞌalhaꞌ yintꞌoh-un, ꞌet ꞌi be soo naꞌuja.