Popular Bible Verses from Acts 4

Share

Yinka ndulcho whe Jesus Christ ꞌen gha za ꞌuzdutijih. ꞋAw ꞌuyoonne yé ulhtus-i gha uzdoojih ꞌaítꞌoh. ꞋEt whuz unꞌa Yakꞌusda neghá whuninꞌai.”

ꞋEt ꞌawet tenáhúdúdli ꞌetsul ꞌuhudíja whe, nyo ꞌilhúhozdíl-un ndulcho nahúhoosnai ꞌinkꞌez Ndoni buyudíltsꞌut whe ꞌaw lhoníljut whe Yakꞌusda ooghuni be bubulh yáwhehunilhduk.

ꞋEt huwa neMoodihti, neyeꞌ hoonulhjoot-un, ꞌandit dzin buboozílhtsꞌai ꞌinkꞌez ꞌaw lhtsꞌuníljut whe wheni, mbaꞌ tsꞌutꞌenne, nghuni unzoo-i be yatsꞌoolhduk neghá whuninꞌaih.

Jesus, ꞌen ꞌuntꞌoh Yakꞌusda ꞌukꞌu nusguz-i kꞌut ndutni whe ooghu yaduk, ‘Nohni yoh ꞌuwhulhꞌenne tse ꞌúndutulhꞌuz-i, ꞌi la ꞌuja ꞌukꞌenus tse ooka dáhotni-i suliꞌ.’

ꞋEt nahíyilhne tꞌehonínzun Peter ꞌinkꞌez John ꞌenne ꞌantsꞌi ꞌoh dune, ꞌaw whulhodílꞌelne ꞌuhintꞌoh. ꞋAw lhoníljut whe yahulhduk, ꞌet huwa buba hooncha, ꞌinkꞌez tꞌehonanzin Jesus Christ yulh nusudilne hinli.

Ooba ꞌalha ꞌuhoontꞌohne ꞌalhgoh tsꞌiyanne lhgha zaꞌ hutꞌen. ꞋAw oochꞌeꞌne hooloh. Ndai la huyutꞌi ꞌalhgoh huyé neꞌutꞌen.