Popular Bible Verses from EKSODA 10

Share

Yehovha a ku eka Muxe: “Yana eka Faro, hikuva ndzi nonon'hwisile mbilu ya yena ni timbilu ta malandza ya yena, ndzi ta endla exikarhi ka vona swikombiso leswi u nga ta swi vona; kutani u ta byela vana va wena, ni vatukulu va wena, timhaka leti ndzi ti endleke eka Vaegipta, ni masingita ya mina lawa ndzi ma endleke exikarhi ka vona, mi ta ndzi tiva leswaku hi mina Yehovha.”

Kutani Yehovha a ku eka Muxe: “Tlakusa voko ra wena ehenhla, munyama wu ta va kona etikweni hinkwaro ra Egipta; vanhu va ta ambamba emunyameni.” Muxe a tlakusa voko ra yena ehenhla, kutani munyama lowa ntima wu va kona etikweni ra Egipta hi masiku manharhu. Vanhu va tsandzeka ku vonana, kutani a ku vanga na munhu la sukaka evutshan'weni bya yena hi masiku manharhu. Kambe vana va Israele a va tshama eku vonakaleni emitini ya vona.

Muxe a yimisa nhonga ya yena ehenhla ka tiko ra Egipta, kutani Yehovha a hungisa mheho ya vuxa etikweni siku rero hinkwaro, ni vusiku hinkwabyo. Kuteloko byi xile, emheho ya vuxa a yi fikisile tinjiya. Tinjiya ti huma, ti tata tiko ra Egipta hinkwaro, ti eneta misava hinkwayo ya Egipta hi ku tala ka tona. A ku nga si va na tinjiya leto tano emikarhini ya khale, na swona ku nga ka ku nga ha vi na leto tano.