Popular Bible Verses from GENESA 25

Share

Yehovha a ku eka yena: “Matiko mambirhi ma le khwirini ra wena. Tinxaka timbirhi ti ta avana siku ti humaka eka wena. Rixaka rin'wana ri ta hlula lerin'wana, ni lonkulu u ta tirhela ndzisana.”

Kutani Esawu a ku eka Yakobo: “Ndzi nyike ndzi dya leswo tshwuka, leswo tshwuka leswi, hikuva ndzi karhele.” Hilaha va nga thya vito ra yena Edomu (hileswaku swo tshwuka).

Kutani Isaka a khongelela nsati wa yena eka Yehovha, hikuva a a ri mhika; kutani Yehovha a amukela ku khongela ka yena; kavaloko Rhaveka, nsati wa yena, a tika nyimba.

Esawu a ku: “Leswi ndzi lavaka ku fa, byi nga ndzi pfunisa ku yini vukulukumba lebyi?” Yakobo a ku: “Rhanga u ndzi hlambanyela.” A n'wi hlambanyela; a xavisa sweswo vukulukumba bya yena eka Yakobo.

Endzhaku, ku huma ndzisana a khomile xirhendze xa Esawu; yena va n'wi thya vito ra Yakobo (hileswaku muhlungi). Isaka a a ri munhu wa malembe ya 60 loko vana va velekiwa.

Isaka a a rhandza Esawu, hikuva a a n'wi hlotela tinyama, kambe Rhaveka a a rhandza Yakobo.