Popular Bible Verses from Lucas 12

Share

Esti'e' ni val sete, eb'antaj chit etuche', tan a' chite' ye'l sek'u'l tul uva' la ul VIK'AOL U NAJE' unpajte,— ti'k u Jesús.

Pet etoksataj etaama ti' u Tiixhe', ex uva' at ve't ok ex xo'l u tename' uva' at jaq' u tijle'm u Tiixhe'. As Aake' la aq'on ve't unq'a vee' skajayil sete kam uva' nisa'vit seti'.

As ech tal ve't u Jesús ile' te unq'a tename': —Etiltaj je' etib'. A'ini'k kuxh u tx'iib'al q'iie' la etoksa etaama sti', tan jit ti' imolat imaas tx'iib'al q'ii atkat umaj uxhchil vatz u tx'ava'e',— ti'k u Jesús.

As katil uva' nemolkat unq'a etetze', as tzitzi'e' netoksakat etaama.

As ye'l umaj ex la koj oleb' ex ti' ech'iisat etxakeb'e' tuk' ka'va'toj k'uchb'al, k'uxh la exaansa etaama sti'.

As ech tal ve't u Jesús ile' te unq'a ichusulib'e': —Ile' tuk val sete, tan ye' exaansa etaama ti' uva' kam la etechb'u ti' etatine' vatz u tx'ava'e', as mita'n ti' unq'a etoksa'me' uva' kam la etoksa'mi

Echat kuxh ex unpajte, tan junun unq'a xi'l evi'e', tan achele' skajayil ta'n Aak. Esti'e' ni val sete uva' ye' kuxh xo'v ex, tan nim etalche' vatz u Tiixhe' ti' unq'a talaj tz'ikine' skajayil.

As ye' kuxh xo'v ex, uva' ech exe' talaj kaneero'. As k'uxh ka'l kuxh ex, as at ve't ok ex xo'l u tename' uva' at jaq' u tijle'm u Tiixhe', as aya'l chit ik'u'l Aak ti' taq'at etijle'm ti' uva' la etil isuuchil unq'a tename'.

As etitz'ataj unq'a jooe', tan k'uxh ye'l txoo ni tave', as mita'n ye'l txoo ni pitx'one', as k'uxh ye'l ik'uay txoo ati, as a' u Tiixhe' uva' echen tu almika' ni aq'on techb'ub'al txoo. ¿As a' kol chit ye'l ve't ex q'a? Tan nim etalche' ti' unq'a tz'ikine'.

As ye' kuxh exaansa etaama ti' uva' kam la etechb'u moj kam la etuk'a. As ye' kuxh el etaama sti'

As ile' tuk val sete, asoj u Tiixhe' ni b'anon uva' acha'v ich'ii unq'a k'uache' uve' at vatz u chaq'aalae' cheel as q'ejal la sutil b'en tu xamal, ¿as a' kol chit ye' la ib'an Aak q'a sete ti' elochpe', ex uva' b'iil kuxh u k'ujleb'al ek'u'le' ti' Aak?

Pet la val sete, tan jank'al unq'a yole' uva' ye'xheb'il ootzin tetz, as techal la ootzili. As jank'al unq'a yole' uva' mujel, as techal la ootzili.