Popular Bible Verses from Lucas 13

Share

—Eya'lutaj chit etib' ti' etok tu u tzi' kab'ale' uve' ch'oo kuxh ivatz, tan ile' la val sete uva' nimal unq'a tename' la tal toke'. As ye' la uch toke'

As atik ok uma'l u ixoj tzitzi' uva' vaaxajlavaxnik yaab' ich'o'n ixoj, tan chab'amal chit ik'olax ixoj ta'n uma'l u sub'ul. As ye'l ixoj nikat itx'ol ve't iyu'b'a't tib'. Tul til ve't u Jesús u ixoje', as imolo ve't tzan Aak. As ech tal ve't Aak ile' te ixoj: —Ixoj, kat b'a'nxiy axh. Kat elyu u ch'o'me' sak'atz,— ti'k Aak.

As taq' ve't je' u Jesús iq'ab' ti' ixoj. As yak kuxh ijikb'a' ve't tib' ixoj. As toksa ve't ixoj iq'ii u Tiixhe'.

Tan at unq'a uxhchile' uve' echen k'atz u Tiixhe' uve' la ilpi tuk' vitxumb'ale'. As a'e' uva' jetz'ennal ve't el k'atz Aak. As at unjolte uva' jetz'ennal el k'atz Aak uva' la ilpi. As a'e' uva' echen k'atz Aak. As at unq'a uxhchile' uve' b'axel, as a'e' imoxtel. As at unq'a uxhchile' uve' imoxtel, as a'e' b'axel,— ti'k u Jesús.

tan tul uva' la txakpu ve't u b'aal kab'ale' ti' ijupat u tzi' kab'ale', as unq'a tename' uva' at kan ti' kab'al, as la sik'in ve'te'. As ech la tal ile': «¡B'an b'a'nil, pap! ¡Jajo'k o'!» chaj la tale'. As: «Ye' vootzaj ex; as ye' vootzaj kat tzaanajkat ex,» chaj u b'aal kab'ale' la tale'l tzan.

¡Ye'le ta'! Pet ile' tuk val sete, tan asoj ye' la ek'axa etib' ti' vepaave' vatz u Tiixhe', as echat kuxh la eb'ane' eche' uve' kat ib'an chajnaj,— ti'k u Jesús.

Pet ech la tal ve't el tzan u b'aal kab'al ile' sete: «Kat vallu sete uva' ye' vootzaj ex as ye' vootzaj katil tzaanajkat ex. Pet jetz'enoj el ex sunvatz, jank'al ex uva' ni b'anon u va'lexhe',» chaj ve't u b'aal kab'ale' la tale'.

As ech tal ve't u Jesús ile': —Tuk val isuuchil sete ti' uva' kam tok u tename' jaq' u tijle'm u Tiixhe'. Tan ech ina' vitenam Aake' eche' uva' kat ib'an u iiae' tetz u mostaza uva' b'ex tava uma'l u naj tu vitx'ava'e'. As nim chit kat oonkat tze' tul kat ch'ii ve'te'. As kat ib'an ve't unq'a tz'ikine' isok vi' unq'a iq'ab' tze'e',— ti'k u Jesús.