Popular Bible Verses from Lucas 14

Share

—Asoj at umaj uxhchil la xekeb' svi' tul ye' nixo'ni ve't in ti' vib'aale', tuk' vitxutxe', tuk' u tixqele', tuk' unq'a me'al ik'aole', tuk' unq'a titz'in tatzike', as tuk' vitiichajile' unpajte, as ye' la uch ve't tok chusulib'il sunk'atz.

As ab'il uva' ye' la kuyun unq'a k'axk'oe' ti' ixekeb' svi', as ye' la uch tok ve't chusulib'il sunk'atz.

Esti'e' tuk val sete uva' ab'il uve' la toksa je' iq'ii, as la el iq'ii. Pet ab'il uve' ye' la toksa je' iq'ii as la oksal iq'ii,— ti'k u Jesús.

Esti'e' ni val sete uva' ab'iste umaj ex uva' ye' la etaq' kan unq'a etetze' skajayil svi', as ye' la uch etok ve't chusulib'il sunk'atz.

As la val sete uva' ech la eb'ane' eche' umaj naj uva' la tal ilakat ikab'al. As tul ye'xnaj xe't naj ti' ilakat u kab'ale', as la xoneb' naj ti' titz'ata' ma la tz'aj vipuaj naje' ti' ilakat vikab'ale', tan asoj ye' la oleb' naj, as la kuxh tze'lel ve't naj ta'n unq'a uxhchile' uve' la pal ilon kan u taq'on naje'. As tul ma't taq'at ku' naj u tz'aje' ti' ixe't u kab'ale'. As ech la alpu ve't ile' ti' naj: «Kat kuxh ixe'tisa u naje' u kab'ale'. As ye' kat itx'ol ve't naj itzojpisale',» chaj ch'elel naj.

Pet tul la ab'an umaj b'a'nla tx'a'o'm, as a' unq'a meeb'a'e' la amolo, tuk' unq'a ko'xe', tuk' unq'a kuch'e', as tuk' unq'a tzote'. As achveb'al axh la ib'ane', tan ye'l ich'exel la aq'pu ve't see. Pet a' u Tiixhe' la aq'on ich'exel see tu u q'iie' uva' la ul ve't taama unq'a kamnaje' uva' tx'aael ve't u taanxelale' ta'n Aak,— ti'k u Jesús.

As ch'i'umale' u atz'ame'. Pet asoj la motx ve't vipitz'polil u atz'ame', as la koj txakon ve'te' tan la koj uch ichee ve't ipitz'polil unpajte. As mita'n la koj txakoni ti' tok siq'i'a'nil u tx'ava'e'. Pet la kuxh mak'pik ve't ele'. As ab'iste ex uve' nepal tu vunyole', as etab'itaj uve' ni vale',— ti'k u Jesús.