Popular Bible Verses from Luk 10

Share

Yufala lisin gud fastaem. Mi givim paoa long yufala finis, mekem yufala save step antap long olketa poesen snek an antap long olketa skopion. An mi givim yufala paoa wea hemi barava winim moa paoa blong Seitan. An bae no enisamting hemi save spoelem yufala.

Nao Masta hemi sei, “Mata, Mata, yu save wari tumas ya, an yu tingting tumas abaotem plande samting, bat wanfala samting nomoa hemi bikfala samting ya. An Meri nao hemi bin siusim samting wea hemi nambawan, an no eniwan bae hemi tekemaot diswan from hem ya.”

Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Nao Jisas hemi talem olketa olsem, “Plande kaikai tumas hemi redi finis long gaden, bat olketa wakaman fo tekem olketa i no plande nomoa. So yufala mas askem Masta blong gaden ya, mekem hemi sendem kam plande wakaman moa fo go tekem kaikai blong hem wea hemi redi finis.

An Jisas hemi sei moa, “?Waswe, hu long trifala man ya nao yu tingse hemi tru wantok blong disfala man wea olketa man fo stil olketa bin kilim hem?” Nao disfala tisa blong Lo hemi sei, “Disfala man wea hemi sore an kaen long hem ya.” An Jisas hemi sei, “So yu go an yu duim semsamting tu olsem man ya hemi duim.”

!Yufala go nao! Bat yufala mas save dat mi sendem yufala goaot olsem olketa smolfala sipsip wea olketa goaot long midol long olketa wael dog.