Popular Bible Verses from Luk 9

Share

An Jisas hemi tok olsem moa long evriwan, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi evri de.

Bikos eniwan wea hemi wande fo sevem laef blong hem seleva nomoa, bae hemi lusim tru laef ya. Bat sapos eniwan hemi lusim laef blong hem fo mi, bae hem nao hemi sevem tru laef blong hem.

Bat Jisas hemi sei, “Sapos man wea hemi holem stia long bot, hemi lukluk go long bihaen olowe, bae hemi no fit fo duim waka long saet blong kingdom blong God.”

?Nao sapos eniwan hemi winim evrisamting long disfala wol, bat hemi mas lusim laef blong hem from diswan ya, bae olketa samting ya i save helpem hem? Nomoa ya.

Sapos eniwan hemi filsem tumas long mi an hemi filsem long toktok blong mi, oraet, taem mi San Blong Man mi kambaek wetem saen blong bikfala paoa blong mi an blong Dadi blong mi an blong olketa holi enjel, bae mi filsem long man tu ya.

Bat Jisas hemi sei long hem, “Olketa wael animol olketa garem ples blong olketa seleva fo slip long hem, an olketa bed tu olketa garem ples blong olketa seleva. Bat mi San Blong Man, mi nating garem eni ples blong mi seleva wea mi save slip long hem.”

Bihaen, hemi tok olsem long olketa disaepol, “Eniwan hu hemi kaen long disfala pikinini ya long nem blong mi, hemi kaen long mi nao ya. An eniwan wea hemi kaen long mi, hemi kaen long man hu hemi sendem mi kam tu ya. So hemi olsem tu, eni man long yufala wea hemi mekem hem seleva fo lou, hem nao hemi nambawan man long yufala evriwan.”