Popular Bible Verses from San Lucas 11

Share

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

Joꞌcan ut nak ninye e̱re: —Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re. Chesicꞌak ut te̱tau, chebokak ut li puerta ta̱tehekꞌ che̱ru.

Cheba̱nu aꞌan xban nak li ani natzꞌa̱man chiru li Dios naqꞌueheꞌ re. Ut li ani naxsicꞌ, naxtau. Ut li ani nabokoc, li puerta nateheꞌ chiru.

Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku. Ut moa̱qꞌue chi a̱le̱c. Choa̱col ban chiru li incꞌaꞌ us.

Chaqꞌue taxak ke li kacua kucꞌa chi cuulaj cuulaj.

Li xnakꞌ e̱ru chanchan jun li lámpara. Xban nak na-iloc li xnakꞌ e̱ru cuanquex saꞌ cutan. Cui ta ma̱cꞌaꞌ li xnakꞌ e̱ru cuanquex raj saꞌ kꞌojyi̱n.

—Ma̱ ani tixloch junak candil ut tixqꞌue ta chi mukmu malaj ut tixqꞌue rubel chacach. Naxqꞌue ban saꞌ junak naꞌajej najt xteram re nak cua̱nkeb saꞌ cutan li ani teꞌoc saꞌ li cab.