Popular Bible Verses from San Lucas 12

Share

Joꞌcan ajcuiꞌ la̱ex yoꞌon cua̱nkex chi oybeni̱nc xban nak incꞌaꞌ nequenau jokꞌe ho̱nal tincuulak la̱in li Cꞌajolbej. Tincuulak chi ma̱cꞌaꞌ saꞌ e̱chꞌo̱l, chan li Jesús.

Abanan la̱ex te̱sicꞌ lix nimajcual cuanquilal li Dios ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

Joꞌcan nak chenauhak nak bar cuan cuiꞌ le̱ biomal, aran ajcuiꞌ cua̱nk le̱ cꞌaꞌux.

¿Ani e̱re la̱ex ta̱ru̱k tixtik ru lix yuꞌam usta naxtacuasi rib xcꞌoxlanquil?

Ut li Jesús quixye reheb lix tzolom: —Mixic e̱chꞌo̱l chixcꞌoxlanquil chanru nak te̱numsi li cutan junju̱nk, chi moco riqꞌuin li cꞌaꞌru te̱tzaca chi moco riqꞌuin lix tikibanquil e̱rib.

Joꞌcan ajcuiꞌ li rismal le̱ jolom ajlanbileb chixjunil xban li Dios. Joꞌcan nak mexxucuac chiruheb li xicꞌ nequeꞌiloc e̱re xban nak la̱ex kꞌaxal terto e̱tzꞌak chiruheb nabal chi tzentzeyul.

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Cheqꞌuehak retal li xul li nequeꞌrupupic chiru choxa. Eb aꞌan incꞌaꞌ nequeꞌau, chi moco nequeꞌkꞌoloc, chi moco nequeꞌxxoc xcuaheb chi moco cuan xcꞌu̱lanquil xtzacae̱mkeb. Abanan li Dios naxqꞌue xtzacae̱mkeb. ¿Ma tojaꞌ ta chic la̱ex incꞌaꞌ tixqꞌue e̱tzacae̱mk?

Joꞌcan ut nak incꞌaꞌ yo̱k e̱cꞌaꞌux chirix le̱ cua e̱rucꞌa.

Ut cui li Dios naxqꞌue lix chꞌinaꞌusal li pim li cuan junpa̱t ajcuiꞌ ut cuulaj qꞌuebilak saꞌ xam, ¿ma tojaꞌ ta chic la̱ex incꞌaꞌ textikib? La̱ex incꞌaꞌ nequexpa̱ban chi tzꞌakal.

Ma̱cꞌaꞌ naru na-uxman chi mukmu chi incꞌaꞌ ta ta̱cꞌutu̱nk. Ma̱cꞌaꞌ cuan chi mukmu chi incꞌaꞌ ta ta̱naꞌekꞌ.