Popular Bible Verses from San Lucas 13

Share

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

Ut aran cuan jun li ixk cuan ma̱us aj musikꞌej riqꞌuin. Cuakxaklaju chihab roquic lix yajel. Cꞌutzcꞌu rix li ixk nak nabe̱c ut incꞌaꞌ naru naxakli chi ti̱c. Nak quiril li ixk li Jesús quixbok riqꞌuin ut quixye re: —At ixk, anakcuan qꞌuirtesinbilat chic.

Ut quixqꞌue li rukꞌ saꞌ xbe̱n li ixk. Ut saꞌ ajcuiꞌ li ho̱nal aꞌan li ixk quixakli chi ti̱c ut qui-oc chixlokꞌoninquil li Dios.

Cuanqueb li incꞌaꞌ qꞌuebileb xlokꞌal arin saꞌ ruchichꞌochꞌ teꞌqꞌuehekꞌ xlokꞌal riqꞌuin li Dios. Ut cuanqueb ajcuiꞌ li qꞌuebileb xlokꞌal arin saꞌ ruchichꞌochꞌ. Eb aꞌan incꞌaꞌ teꞌxcꞌul xlokꞌal riqꞌuin li Dios, chan li Jesús.

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

Ut laj e̱chal cab tixye cuiꞌchic e̱re, “Ninye e̱re nak incꞌaꞌ ninnau bar xexchal chak. Elenkex chicuu, la̱ex aj ba̱nuhom ma̱usilal”, chaꞌak.

—¿Cꞌaꞌru ta̱ru̱k tinjuntakꞌe̱ta cuiꞌ lix nimajcual cuanquilal li Dios? chan li Jesús. —Ut, ¿cꞌaꞌru chi jaljo̱quil ru a̱tin tinye re xchꞌolobanquil xya̱lal lix nimajcual cuanquilal li Dios? Lix nimajcual cuanquilal li Dios, aꞌan chanchan riyajil li mostaza, li quixcꞌam jun li cui̱nk ut quirau saꞌ lix chꞌochꞌ. Ut quimok ut quiniman chi us. Nimla cheꞌ quicuulac. Ut laj xicꞌanel xul nequeꞌxyi̱b xsoqueb saꞌ eb li rukꞌ.