Popular Bible Verses from Matey 21

Share

Quꞌn tkyaqiljo kxel kyqanin toj naꞌj Dios tukꞌa kynimbꞌila, ok ktzajil qꞌoꞌn.

Tzaj ttzaqꞌwin Jesús: Twutzxix kxel nqꞌmaꞌn kyeꞌy, noqit at-xix kynimbꞌila, ex noqit mi njawje kykꞌuꞌja, nya noq oꞌkxjo luꞌn aku bꞌant kyuꞌn, tzeꞌnku xbꞌant wuꞌn tiꞌjjo tqan iw, qalaꞌ noqit txi kyqꞌmaꞌn te wutz luꞌn: Ku tela tzaluꞌn, ex ku txiꞌy toj ttxuyil aꞌ, ex akula tzikyꞌ.

Ex ayetziꞌn jniꞌ xjal nejninqetaq exqetziꞌn lipcheqektaq tiꞌj, i ok ten ẍchꞌil: Nimxit tbꞌiy, ay Tyajil qtzan nmaq kawil David. Kyꞌiwlinxita a ay ma tzula toj tbꞌi tAjaw Tkyaqil. Nimxitjo toklin tbꞌiy toj tnajbꞌila.

Ex xi tqꞌmaꞌn kye: Tzꞌibꞌinl teꞌ toj Tuꞌjil Tyol Dios: Atzin njaꞌy k-okil te ja te naꞌbꞌl Dios, me ayetzin kyeꞌ ma tzꞌok kyqꞌoꞌn te kyja ileqꞌch.

Kyqꞌmanxa kye xjal toj tnam Sion: Kykaꞌyinxjiꞌy Nmaq kyKawila tzul; mutxin tten, ex qꞌuqlekx tibꞌaj jun tal bur, kꞌleꞌn tal tal.

Ex xi ttzaqꞌwin Jesús kye: ¿Ma naꞌmtzin tkux kyuꞌjiꞌn toj Tuꞌjil Tyol Dios, jaꞌ ntqꞌmaꞌne kyjaluꞌn: A abꞌj, a xi kyxoꞌn bꞌinchil ja, a nyakuj ntiꞌtaq tajbꞌin, me axixpente abꞌjjo ma tzꞌokin te tqꞌuqil tẍkyin ja, a nimxix toklin. Atziꞌn tbꞌanilxjo ma tzaj tqꞌoꞌn tAjaw Tkyaqil qe, ex ma qo jaw kaꞌylajx tiꞌj?

Tuꞌnpetziꞌn kxel nqꞌmaꞌn kyeꞌy, k-elil qꞌiꞌn Tkawbꞌil Dios kyeꞌy, ex kxel tqꞌoꞌn kyexjal, ayeꞌ kꞌwel kyyekꞌiꞌn tiꞌj Tkawbꞌil Dios toj kychwinqil.