Popular Bible Verses from Zuwã 19

Share

Te te upsõmri parip si, te tinha, ãne: — Tâibâ oto. Wa tô oto ĩsina uwaimra. Taha pari, ma tô oto 'rãi waptãrã. Tawamhã si'uihâ na ma pẽ'ẽ hai'utõ.

Tawamhã Zezusi hã sa'o ré, ma tô sina uwaimra, Imama te te ãma irotizé hã. Ãne na ma tô sina waihu'u, Zezusi hã. Tawamhã ãma irob'ui'éré 'rata zéb zarina, te tinha, ãne: — 'Rubu di.

Tawamhã Zezusi te tina hã 'madâ. Isiré 're imorĩ te te 're isawi pese mono zama te duré 'madâ, ipapara sa wa. Tawamhã ãne te tina ma tinha: — Ãhãta ai'ra. Te za oto ãma 're ai'ra mo. Tawamhã te te 're isawi pese mono ma, te duré tinha, ãne: — Ãhãta ana. Te za oto duré a zama ãma 're ana mo. Tawamhã te te tãma irotizéb zarina, ma tô Zezusihi na tinhorõwa u saprõ, i'rata 're sãmra u'âsi mono da oto.

Taha pari, ma tô Zezusihi zô ai'ré za'ra. Ãhã wamhã, iwana zahuré dâ'â wa, te te siwi hi'ẽi õ di. Iwana dâ'â zahuré nherẽ, ma tô i'a're wi wa'ré da'wapéi'wa hã, si'uwazi 'rã'wa pa na. Te te wa'réi wi, ma iwapru hã puru. Â zama ma te tawamhã isu asa'wa.

Duréihã ma tô 'Re ihâimana u'âsi mono zadawa 'mahârâ'wa hã ãma rob'ui'éré siro, da te dasiwi ihi'ẽi õ na hã. Tawamhã ãma irob'ui'éré zarina, te te siwi hi'ẽi õ di, da'wapéi'wa norĩ hã. Ma tô duré ãne ãma rob'ui'éré siro, isadawa wasu'u'wa hã: “Da te iwa'rézé hã te za 'madâ'â za'ra ni.” Tawamhã ãma irob'ui'éré zarina, iwa'rézé hã ma tô 'madâ'â za'ra ni.

Tawamhã 'ri nhiti te oto siwi saprõ, Zezusi hã. Wedepo'o nhonhi'rãmi hã te sisada ti'â, Da'rãihi na romnhisi u. Hebreu norĩ mreme na Gogota na romnhisi hã. Tamomo te te siwi ãwisi za'ra wamhã, wedepo'o nhonhi'rãmi na ma tô oto siwi sasõ, da'wapéi'wa norĩ hã. Aibâ norĩ wa'wa, ma tô siwi sasõ. Aibâ maparane te ãma aiwa'aba zahuré, da te dasiwi isasõmri zahuré hã.

Te te siwi 're pré'é mono pari, ma tô 'wabzéré na siwi ãma sõpre. Tisi'ubuzém na ma duré siwi ãma hâiba ubu, ihâ pré na.