Popular Bible Verses from Lucas 13

Share

—Cꞌoli caniꞌ jun pa rchiꞌjay ja congana ti latzꞌ ja bar natoc wiꞌ chi rilic ja totajem xin Dios. Tetijaꞌ cꞌa ekꞌij utzcꞌa chi triꞌ xquixoc wiꞌ ixix. Pro tecojoꞌ ewachokꞌakꞌ como e qꞌuiy ja winak ja ma xqueꞌoc ta masqui cꞌo quigana neꞌoqui.

Cꞌo cꞌa jun ixok triꞌ yawaꞌ, tuban dieciocho junaꞌ toqui ja yobil tre rmal jun itzel espíritu. Rmalcꞌariꞌ tok luclic rij ja rixok, maticowini jic ta xtipeꞌi nixtacꞌa jutzꞌit ta. Ja cꞌa Jesús tok xutzꞌat ja rixok xsiqꞌuij pon. Ja tok xurkaj ruqꞌuin quewaꞌ xbij tre riꞌ: —Camic ixok, ma atcꞌo chi ta pa rukꞌaꞌ ja yobil, neꞌ tre.

Cꞌacꞌariꞌ xuyaꞌ rukꞌaꞌ pa rwiꞌ in ni jariꞌ hora tzuri, ma luclic chi ta rij, congana xumaj ryaꞌic rukꞌij ja Dios rmal.

Pro bien tewotakij chi ecꞌoli winak ja recꞌamol tak bey nabey ja xquecanaj can pa rqꞌuisbal in ecꞌoli ja re tak qꞌuisbal ja necꞌamo chic bey. Queriꞌ xbij ja Jesús chique ja winak.

Como ja rajaw jay arjaꞌ xtiyictaji in ntzꞌapij ruchiꞌ ja jay. Ja cꞌa rixix wi majaꞌn quixoqui triꞌ jariꞌ xtemaj rcꞌoncꞌoxic ja puerta in quewaꞌ xtebijoc riꞌ: —Kajaw, Kajaw, tajakaꞌ chiꞌjay chikawach, xquixcheꞌoc tre. Ja cꞌa rajaw jay quewaꞌ xtibijto chewe riꞌ: —Anin ma wotak ta ba la ixpenak wiꞌ ixix, xticheꞌto chewe.

Ma queriꞌ ta. Tzucꞌa ixix chakajaꞌ wi mateqꞌuex ja renaꞌoj, wi mateyaꞌ can ja ritzelal jariꞌ camíc nesiqꞌuij chewij chakajaꞌ, neꞌe ja Jesús chique.

—Anin nbij chewe chi ma wotak ta ba la ixpenak wiꞌ. Camic quixel chinwach ewanojel ja rix banol tak itzelal, xticheꞌto chic chewe.

Cꞌacꞌariꞌ xumaj chic jutij tzij ja Jesús, quewaꞌ xbij chic riꞌ: —¿Nak cꞌa rbanic ja gobierno xin Dios, bar cꞌa njunsaj wiꞌ? Ja gobierno xin Dios queriꞌ rbanic caniꞌ rbanic jun ti chirwach mostaza cꞌamarel rmal jun achi, xutic pa rchenoj. Xumaj qꞌuiyem ja mostaza, xoqui caniꞌ jun mocaj cheꞌ. Xepeti ja tak tzꞌiquin, xurquibanaꞌ quesoc pa tak rukꞌaꞌ. Queriꞌ xbij ja Jesús.