Popular Bible Verses from Lucas 16

Share

<<Pipis ichikllachö honrädu karqa tsënöllam honrädu kanqa mas atskachöpis. Ichikllachöpis honrädu mana karqa atskachöpis manam honrädutsu kanqa.

<<Manam pipis ishkaq patrontaqa sirwinmantsu. Ishkë patronyuq karqa jukninta chikirmi juknintaqa kuyanqa. Jukninta cäsurmi juknintaqa cäsunqatsu. Tsënöllam riquëzakunata kuyarqa Teyta Diosta sirwita puëdiyankitsu>>.

Sitsun kë patsachö riquëzëkikunawan nuna mayikita yanapayankitsu ¡imanöparaq Teyta Diospis gloriachö riquëzakunata qoykuyäshunkiman! Jukpa imëkankunawanpis mana honrädu këkäyaptikiqa Teyta Diospis ¿markäkuyäshunkimantsuraq tocayäshunëki kaqta qoykushunëkipaq?

<<Abrahamnash ninaq: <Moisés y profëtakuna qellqashqankunata mana cäsukïkarqa wanushqanpita kawarirkur willakuptinpis manam cäsukuyanqatsu> >>.

<<Mëqan nunapis warminpita rakikärir juk warmiwan tärarqa adulteriu jutsatam rurëkan. Tsënöllam qowanpita rakikashqa warmiwan tärarqa adulteriu jutsata rurëkan>>.