Popular Bible Verses from Lucas 17

Share

Tsëpitanam nunata nirqan: <<Kanan sharkur ewkï. Markäkïniki rëkurmi kachakärirqunki>>.

Juk junaqllachö qanchis kuti contrëki mana allita rurëkur qanchis kuti <perdonëkallämë> nishuptikiqa perdonëkunki>>.

Kachakärishqa kayanqanta mäkurirmi juknin kaqqa qaparipa qayaripa Diosta alabarnin Jesúsman kutikïkurqan. Chärirnam urkunpis patsaman chanqanyaq Jesúspa nöpanman qonqurikur <<¡payllä!>> nirqan. Pëqa Samaria nunam karqan.

¡Tsëmi cuidakuyänëki! Paqtam pitapis jutsaman ishkitsiyankiman. <<Sitsun nuna mayiki mana allita rurashunki, tsënö rurashunqëkipita piñapëkï. <Perdonëkallämë> nishuptikiqa perdonëkunki.

Tsënam Jesús nirqan: <<¿Manaku chunkanpi kachakäyarqun? ¿Mëtaq wakinkunaqa?

Señor Jesúsnam nirqan: <<Mostäzapa murunnö ichikllapis markäkïnikikuna kaptinqa kë sicómoro montita <këpita sipintin yarqur lamarpa chöpinman jawikärï> niyaptikipis cäsuyäshunkimanmi>>.

Kawëninta salvëta munaq nunaqa kawëninta oqranqam. Kawëninta noqa rëkur oqraq nunanam kawëninta salvanqa.

Tsëpitanam discïpulunkunata Jesús nirqan: <<Nuna mayinta jutsaman ishkitsiqkunaqa imëpis kayanqam. ¡Allaw, pitapis jutsaman ishkitsiq nuna! Juk wamra niraqtanö jutsaman ishkitsiptinqa mas allim kanman mulinu rumita kunkanman watarkur lamarman jitarkuyaptin.

<<Noé kawashqan witsan nunakuna kawayashqannömi Nunapa Tsurin shamunan witsanpis kawayanqa. Arcaman Noé yëkushqan junaqyaqmi nunakuna mikur, upyar y casakur këkäyarqan. Tsëmannam diluviu chëkur llapan nunakunata ushakäratsirqan.