Lucas 17

Jutsaman pitapis mana ishkitsinanpaq Jesús käyitsinqan

Mateo 18.6-7, 21-22; Marcos 9.42

1Tsëpitanam discïpulunkunata Jesús nirqan: <<Nuna mayinta jutsaman ishkitsiqkunaqa imëpis kayanqam. ¡Allaw, pitapis jutsaman ishkitsiq nuna! 2Juk wamra niraqtanö jutsaman ishkitsiptinqa mas allim kanman mulinu rumita kunkanman watarkur lamarman jitarkuyaptin. 3¡Tsëmi cuidakuyänëki! Paqtam pitapis jutsaman ishkitsiyankiman.

Nuna mayintsikta perdonanantsikpaq Jesús yachatsikunqan

<<Sitsun nuna mayiki mana allita rurashunki, tsënö rurashunqëkipita piñapëkï. <Perdonëkallämë> nishuptikiqa perdonëkunki. 4Juk junaqllachö qanchis kuti contrëki mana allita rurëkur qanchis kuti <perdonëkallämë> nishuptikiqa perdonëkunki>>.

Mas markäkuq kayänanpaq mañakuyanqan

5Tsënam apostolninkuna Señor Jesústa kënö niyarqan: <<Yanapëkalläyämë mas markäkulläyänäpaq>>.

6Señor Jesúsnam nirqan: <<Mostäzapa murunnö ichikllapis markäkïnikikuna kaptinqa kë sicómoro montita <këpita sipintin#17.6 Wakin nunakunaqa watsintin o jawantin niyanmi. yarqur lamarpa chöpinman jawikärï> niyaptikipis cäsuyäshunkimanmi>>.

Sirwipakuqnölla kanantsikpaq Jesús ninqan

7<<Maski mëqëkikunapapis sirwishuqniki yapyapäkuq o mitsipäkuq kayäpushï. Chakrapita kutiramuptin ¿acäsu: <Pasakaramï. Täkurïkï mikurinëkipaq> niyankiku? 8Tsëpa rantinqa kënömi niyanki: <Alistakï arukaramunëkipaq. Mikur upur ushanqäyaq sirwimë. Tsëpiqnam qamqa mikukunki>. 9Tsënö mandashqëkita rurëkaptinpis ¿acäsu tsë sirwishuqnikita payllä nikuyankiku? Manam.

10<<Tsënöllam qamkunapis Teyta Dios mandayäshunqëkikunata rurar usharir niyankiman: <Noqantsikqa Diospa sirwiqninlla karmi mandamashqantsikkunallata rurëkantsik> >>.

Leprawan qeshyaq chunka nunakunata Jesús kachakätsinqan

11Jerusalénman ewkïkarmi Galilea y Samaria mojunninpa Jesús pasarqan. 12Juk takshalla markaman chäriptinmi leprawan qeshyaq chunka nunakuna tinkuq yarquyarqan. Pëman manaraq charninmi karullapita 13qaparipa kënö niyarqan: <<¡Teyta Jesús, ankupëkalläyämë!>>

14Pëkunata rikëkurnam Jesús nirqan: <<Rikäyäshunëkipaq sacerdötikunaman ëwayë>>.

Ëwarëkarnam kachakäriyarqan. 15Kachakärishqa kayanqanta mäkurirmi juknin kaqqa qaparipa qayaripa Diosta alabarnin Jesúsman kutikïkurqan. 16Chärirnam urkunpis patsaman chanqanyaq Jesúspa nöpanman qonqurikur <<¡payllä!>> nirqan. Pëqa Samaria nunam karqan.

17Tsënam Jesús nirqan: <<¿Manaku chunkanpi kachakäyarqun? ¿Mëtaq wakinkunaqa? 18Kë forastëru nunallam Teyta Diosta payllä nikur kutimushqa>>.

19Tsëpitanam nunata nirqan: <<Kanan sharkur ewkï. Markäkïniki rëkurmi kachakärirqunki>>.

Teyta Diospa mandakïnin imë chämunanpaq kanqanta Jesústa tapuyanqan

Mateo 24.23-28, 36-41

20Juk kutim fariseukuna Jesústa tapuyarqan: <<Teyta Diospa mandakïnin ¿imëtaq chämunqa?>> nir.

Jesúsnam yaskir nirqan: <<Teyta Diospa mandakïnin chämunanpaqqa manam ima señaltapis rikäyankitsu. 21Manam pipis ninqatsu <këchönam> o <washachönam këkan> nir. Teyta Diospa mandakïninqa qamkunachönam këkan>>.

Imakuna pasakunanpaq kaqta Jesús ninqan

22Discïpulunkunatanam nirqan: <<Shamuq watakunachömi Nunapa Tsurin juk junaqkunallapis mandakuq kanqanta rikëta munariyanki. Rikëta munarpis manam rikäyankitsu. 23<Këchömi këkan> o <washachömi këkan> niyäshuptikipis ama cäsuyankitsu ni rikaq ëwayankitsu. 24Tillapyämuptin ciëlupa juk kuchunpita juk kaq kuchunyaq atsikyashqanta rikäyashqannömi Nunapa Tsurin kutimuqta llapanpis rikäyanqa. 25Tsënö kananpaqqa puntataran kanan tiempu nunakuna pëta chikirnin alläpa jipatsiyanqa.

26<<Noé kawashqan witsan nunakuna kawayashqannömi#Gén. 6.5-8. Nunapa Tsurin shamunan witsanpis kawayanqa. 27Arcaman Noé yëkushqan junaqyaqmi nunakuna mikur, upyar y casakur këkäyarqan. Tsëmannam diluviu chëkur llapan nunakunata ushakäratsirqan.

28<<Tsënöllam jina Lot kawanqan tiempuchöpis#Gén. 19.1-29. nunakuna mikur, upyar, rantir, rantikur, murukur y wayinkuna rurar këkäyarqan. 29Tsënö kaptinpis Sodoma markapita Lot yarqushqan junaqmi ciëlupita azufri y nina runtu tamyar llapan nunakunata chip ushakäratsirqan. 30Tsënömi kanqa Nunapa Tsurin kutimunan junaqpis.

31<<Tsë junaqkunaqa wayi jananchö këkaqkuna#17.31 Tsë witsanmi wayita qatananpa rantin terrädu jananman tsaqllarir leqitawan taqrayaq. Tsë jananchömi awakuyaq, aqakuyaq y trïgutapis akrayaq. imëkankunatapis jorquq ama wayinkunaman yëkuyätsuntsu. Chakrachö këkaqkunapis ama wayinkunaman kutiyätsuntsu. 32¡Yarpäyë Lotpa warminta ima pasanqantapis!#Gén. 19.17, 26. 33Kawëninta salvëta munaq nunaqa kawëninta oqranqam. Kawëninta noqa rëkur oqraq nunanam kawëninta salvanqa.#17.33 Tsënö nirqa Jesucristo kënömi nirqan: <<Kikin munashqannö lluta kawakuqkunaqa manam salvakuyanqatsu. Noqa munanqänö kawaqkunam sï salvakuyanqa>>.#Mat. 10.39; Mar. 8.35; Juan 12.25.

34<<Noqam niyaq: Tsë paqasmi juk qopillachö ishkaq punïkäyaptin juk kaqta apakunqa y juk kaqta jaqirinqa. 35Marëchö ishkaq warmikuna aqakïkäyaptinmi juk kaqta apakunqa y juk kaqta jaqirinqa. 36[Chakrachö ishkaq uryakïkäyaptinmi juk kaqta apakunqa y juk kaqta jaqirinqa]>>.

37Tsënam tapuyarqan: <<Teyta, ¿mëchötaq tsënöqa kanqa?>> nir.

Jesúsnam nirqan: <<Mëchöpis wanushqakuna jitaräyanqanmanmi wiskurkuna ëllukäyanqa>>.#17.37 Tsënö nirmi Jesucristo käyitsirqan ninqankuna jinantinchö pasananpaq kashqanta.

Currently Selected:

Lucas 17: qwhB

Highlight

Copy