Lucas 18

Teyta Diosman mana qelanashpa mañakunantsikpaq Jesús yachatsikunqan

1Imëpis mana qelanashpa Teyta Diosman mañakuyänanpaqmi discïpulunkunata Jesús iwalatsikïpa 2kënö yachatsirqan: <<Juk markachöshi Teyta Diosta mana mantsakuq y nuna mayinkunatapis mana respetaq juk juez kanaq. 3Jina tsë markachöshi juk paju warmi täkunaq. Pëshi waran waran tsë juezman kënö nishpa kutiränaq: <Tëtë, demandamaqnïtawan arreglëkalläyämë>. 4Tsënö kutilla kutiraptinpis juezqa manash cäsunaqtsu. Tsëpitanash shonqunchö kënö yarpänaq: <Diosta mana mantsakurpis ni nunakunata mana respetarpis 5kë pajuta arregluta rurëkushaq. Mana arreglaptïqa peqäta nanatsirmi imë hörapis kutiräkamunqa> nir>>.

6Tsëta willakurirnam Señor Jesús kënö nirqan: <<Mana alli juez imata ninqantapis shumaq käyiyë. 7¿Manatsuraq Teyta Diospis akrashqankunapaq justiciata ruranqa paqaspa y junaqpa mañakïkäyaptin? ¿Shuyarätsinqatsuraq mañakuyashqanta cäsïkunanpaq? 8Noqam niyaq: Mañakuq kaqtaqa Teyta Dios mana shuyarätsishpam justicianta ruranqa. Nunapa Tsurin kë patsaman kutimur ¿nunakunapa markäkïninkunata tarinqaraqtsuraq?>>

Fariseuman y impuestu cobraqman Jesús iwalatsinqan

9Nuna mayinkunata despreciaq nunakunapaqmi Jesús iwalatsikïpa kënö yachatsirqan: 10<<Ishkaq nunakunash Diosta mañakuq templuman ëwayänaq. Jukshi kanaq fariseo. Jukninnash kanaq impuestu cobraq. 11Tsë fariseo kaqshi shëkar Teyta Diosta kënö mañakunaq: <Teyta Diosllä, payllä noqa mana wakin nunakunanö kanqäpita. Pëkunaqa suwam, jutsasapam y adulterum kayan. Ni manam taqë impuestu cobraqnötsu kä. 12Noqaqa cada semänam ishkë kuti ayunä. Tsënöllam llapan gananqäpita imëpis templuman diezmüta apä>.

13<<Impuestu cobraq nunanash qepallachö puktikurkur peqantapis ciëluman pallarinaqtsu. Alläpa llakikushpash makinta choqpakurkur kënö mañakunaq: <Teyta Diosllä, ankupëkallämë. Noqalläqa alläpa jutsasapam kallä>.

14<<Noqam niyaq: Impuestu cobraq nunam wayinman kutikurqan jutsanpita perdonashqa. Y fariseuqa manam. Nuna tukuqkunaqa penqakushqam kayanqa. Y qollmi shonqu kaqkunaqa alli precisaqmi kayanqa>>.

Wamrakunapaq Jesús mañakunqan

Mateo 19.13-15; Marcos 10.13-16

15Tsëpitanam wamrakunata Jesús kaqman apayarqan peqankunata yatëkur Teyta Diosta mañakunanpaq. Tsëta rikarnam discïpulunkuna michäyarqan. 16Jesúsnam wamrakunata qayëkur discïpulunkunata nirqan: <<Wamrakunata apayämunanta ama michäyëtsu. Wamranö kaqkunapaqmi Teyta Diospa mandakïnin këkan. 17Rasunpam niyaq: Pipis Teyta Diospa mandakïninta wamranö mana chaskikurqa manam pëpa mandakïninman yëkunqatsu>>.

Rïcu nuna sasataraq salvakunanpaq kanqan

Mateo 19.16-30; Marcos 10.17-31

18Juk wiraqtsam Jesústa kënö tapurqan: <<Rabí, alli nunam kanki. ¿Imatataq ruräman wiñë kawëta tarinäpaq?>>

19Jesúsnam nirqan: <<¿Imanirtaq alli nuna kashqäta nimanki? Teyta Diosllam alliqa. 20Musyankim mandamientukuna nishqanta: <Ama casakushqa këkar jukwan kakunkitsu.#Éxo. 20.14; Deut. 5.18. Ama nuna mayikita wanutsinkitsu.#Éxo. 20.13; Deut. 5.17. Ama suwakunkitsu.#Éxo. 20.15; Deut. 5.19. Ama manakaqkunata pitapis tumpankitsu.#Éxo. 20.16; Deut. 5.20. Tëtëkita y mamëkita alli rikanki#Éxo. 20.12; Deut. 5.16.> >>.

21Tsënam tsë nuna nirqan: <<Tsëkunataqa wamra kashqäpitam llapanta cumplirqü>>.

22Jesúsnam nirqan: <<Jukran pishin cumplinëkipaq. Llapan imëkëkikunatapis rantikïkur tsë qellëta waktsakunata qoykï. Tsënö ruraptikiqa ciëluchömi riquëzëki kanqa. Tsëpitana qatimë>>.

23Tsënö nïkuptinmi alläpa rïcu kar tsë nuna alläpa llakikurqan. 24Tsënö llakishqata rikëkurnam Jesús kënö nirqan: <<¡Alläpa sasam rïcu nunakuna Teyta Diospa mandakïninman yëkuyänanpaq! 25Rïcu nuna Teyta Diospa mandakïninman yëkunqanpitaqa mas alërum juk camëllupis agüjapa uchkunpa pasarinman>>.

26Tsëta wiyëkurnam Jesústa tapuyarqan: <<Tsënö kaptinqa ¿piraq salvakunqa?>>

27Jesúsnam nirqan: <<Nunakunapaq sasa karpis Teyta Diospaqqa manam sasatsu>>.

28Tsënam Pedro nirqan: <<Teyta, noqakunaqa llapan imëkäkunatapis jaqirirmi qamta qatirëkäyaq>>.

29Jesúsnam nirqan: <<Rasunpam niyaq: Pipis wayinta, mamäninta, tëtanta, wawqinkunata, paninkunata, warminta o tsurinkunata Teyta Diospa mandakïnin rëkur jaqirirqa 30kë vïdachö mas atskatam chaskinqa. Tsënöllam wak vïdachöpis wiñë kawëta tarinqa>>.

Wanutsiyänanpaq kanqanta Jesús yapë willakunqan

Mateo 20.17-19; Marcos 10.32-34

31Chunka ishkë discïpulunkunata qayarirnam Jesús kënö nirqan: <<Jerusalénman chänantsikpaq ichikllanam pishin. Tsëchömi profëtakuna qellqayanqannölla Nunapa Tsurinta llapanpis pasanqa. 32Mana Israel autoridäkunamanmi entregayanqa. Pëkunanam toqapur tukïta asharnin burlakuyanqa. 33Astarirnam wanutsiyanqa. Tsëpita kima junaqllatam kawarimunqa>>.

34Tsënö niptinpis discïpulunkunaqa manam käyiyarqantsu ni musyayarqantsu imapaq parlashqantapis.

Jericó markachö wiskuta Jesús kachakätsinqan

Mateo 20.29-34; Marcos 10.46-52

35Jericó markaman Jesús yëkurëkaptinnam juk wisku limushnata mañakur nänichö tëkarqan. 36Atskaq nunakuna pasaqta mäkurirnam tsë wiskuqa tapukur nirqan: <<¡Imataq pasakullan!>>

37Nunakunanam niyarqan: <<Nazaret nuna Jesúsmi pasëkan>>.

38Tsëmi qayakur nirqan: <<¡Davidpa Tsurin#18.38 Teyta Dios kachamushqan Cristuta nunakuna niyarqan Davidpa Tsurin kashqantam. Tsënö niyarqan rey Davidpita miraq imëyaqpis mandakunanpaq Teyta Dios änishqa kaptinmi. Tsëpita masta musyanëkipaq leyinki 2Sam. 7.10-16; Sal. 89.1-4, 19-37; 132.11-12. Jesús, ankupëkallämë!>>

39Tsënö qaparikachaptinnam puntata ëwaq nunakuna upälla kananpaq piñapäyarqan. Piñapäyaptinpis masmi qayakur nirqan: <<¡Davidpa Tsurin, ankupëkallämë!>>

40Tsënam Jesús shäkurir tsë wiskuta qayatsirqan. Puntanman chäratsiyaptinnam kënö tapurqan: 41<<¿Imachö yanapanaqtataq munanki?>> nir.

Wiskunam nirqan: <<¡Nawï rikänantam munallä, tëtë!>>

42Jesúsnam nirqan: <<¡Rikëna! Markäkushqëkipitam nawiki rikanqana>>.

43Tsënö niptinmi tsë höra nawin rikachakurirqan y Diosta alabarnin Jesúspa qepanta ewkurqan. Tsëta rikëkurmi nunakunapis Diosta alabayarqan.

Currently Selected:

Lucas 18: qwhB

Highlight

Copy