Popular Bible Verses from GÉNESIS 35

Share

Huan nojquiya quema Toteco Dios quipatili itoca, Toteco quiilhui: “Na nimoTeco Dios Cati Nijpiya nochi Chicahualisti. Nijchihuas xiquinpiya miyac moconehua huan moteipan ixhuihua. Huan miyac masehualme quisase ipan moteipan ixhuihua, huan mochihuase miyac altepeme ipan inintal. Ipan moteipan ixhuihua oncas tanahuatiani huan sesen quinnahuatis imasehualhua ipan ital. Nopa tali cati nijmacac Abraham huan Isaac, mohuejcapan tatahua, nojquiya nimitzmacas ta huan teipa niquinmacas moteipan ixhuihua.”

Teipa xihualaca, ma tiyaca Betel pampa nepa nijchihuas se taixpamit huan tijhueyichihuase Toteco Dios cati nechpalehui quema nimocuesohuayaya. Yaya cati nohuaya yajtoc campa hueli campa ninentinentoc.

Huan Toteco Dios quiilhuijtoya: “Ta motoca Jacob.” (Jacob quinequi quiijtos Tacajcayajquet.) “Pero ayecmo mitztocaxtise Jacob. Ama motoca elis Israel.” (Israel quinequi quiijtos Se Cati Moquetza Ica Chicahualisti Iixpa Toteco.)

Huajca Jacob quiilhui ichampoyohua huan nochi cati ihuaya yahuiyayaj: ―Xiquinquixtica nochi teteyome cati anquipiyaj, huan ximaltica huan xijpataca amoyoyo.

Teipa Toteco Dios quiilhui Jacob: “Ximoquetza huan xiya xiitztoti Betel. Nopona xijchihua se taixpamit para techhueyimatis pampa nopona nimonexti ica ta quema ticholohuayaya ten moicni, Esaú.”

Pero Raquel ya miquiyaya huan quema tantinemiyaya iijyoyo, quitocaxti ioquichpil Benoni. (Benoni quinequi quiijtos Oquichpil Cati Tacatqui Ica Taohuijcayot.) Pero teipa itata quitocaxti nopa ipiloquichpil Benjamín. (Benjamín quinequi quiijtos Oquichpil Cati Más Quipiya Tanahuatili.)