Popular Bible Verses from SAN MARCOS 10

Share

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' xqui'ya qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

Lo'o ngua tii Jesús ñi'ya̱ nu nclyacua ti' ngu', li' nchcui' yu lo'o ngu' chaca quiya': ―Bi' laca sca cha' nu ná nchca cua'ni ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

―Tso'o ―nacui̱ Jesús ji'i̱―, tyaa nu'u̱ to' tyi juani. Jlya ti' nu'u̱ 'na, bi' cha' cua ndyaca tso'o cloo nu'u̱. Hora ti ngua tso'o cloo nu cuityi̱' bi', na'a̱ chaca quiya'. Li' ndu'u lca'a̱ ji'i̱ Jesús tyucui̱i̱.

Bi' cha' ná tso'o xtyanu ngu' ji'i̱ clyo'o ngu', cha' cua nda ycui' Ndyosi cha' clyo'o ji'i̱ ngu' ―nacui̱ Jesús ji'i̱ ngu'.

Ntsu'u tsa tyiquee Jesús ña'a̱ ji'i̱ nu qui'yu bi'. Xa' nchcui' yu lo'o li': ―Sca ti cña lyiji cua'ni nu'u̱ ―nacui̱ Jesús ji'i̱―. Yaa clya cujui' nu'u̱ lcaa cha' tso'o nu ntsu'u jinu'u̱, cha' tyu'u cñi ta nu'u̱ ji'i̱ ngu' ti'i li'; tyacua xi cha' tso'o jinu'u̱ nde loo la ca su ntucua ycui' Ndyosi. Li' xa' tya̱a̱ nu'u̱ ca slo na' cha' tya'a̱ nu'u̱ lo'o na'.

Li' nchcui' Jesús lo'o nu quicha bi': ―¿Na laca nti' nu'u̱ cha' cua'ni na' lo'o nu'u̱? ―nacui̱ yu ji'i̱. ―Mstru ―nacui̱ nu cuityi̱'―, cua'ni nu'u̱ jo'o 'na, cha' xa' tyaca̱' tso'o xee cloo na' ña'a̱ na' chaca quiya' ―nacui̱ ji'i̱ Jesús.

Pana nu cu'ma̱ ni, ná tso'o cua'ni ma̱ jua'a̱. Lcaa lo cña nu taca xtyucua ma̱ ji'i̱ tya'a ñati̱ ma̱, bi' cña ntsu'u cha' cua'ni ma̱, si cua nti' ma̱ cha' caca ma̱ loo ji'i̱ ngu' bi'.

Chañi cha' nu nchcui' na' ―nacui̱―, cha' ná caca tyatí̱ ngu' cha' ji'i̱ ycui' Ndyosi cha' caca Ni loo ne' cresiya ji'i̱ ngu', si ná tyucui ti' tyiquee ngu' ñi'ya̱ nu ntsu'u tyiquee sca nu sube.

Nde loo la caca ngu' nu tyu'u tucua su cua tye ti cha'; nde chu̱' la tyanu ngu' nu ndu'u tucua clyo ―nacui̱ Jesús ji'i̱ ngu'.

Pana nu lo'o nguxana ntucua quiya' chalyuu, nu lo'o ngüiñá ycui' Ndyosi lcaa lo na, ná ngua'ni ycui' Ndyosi jua'a̱. “Ngüiñá Ni ji'i̱ ñati̱; ngüiñá Ni ji'i̱ sca nu qui'yu, lo'o jua'a̱ ji'i̱ sca nu cuna'a̱ ngüiñá Ni”, nacui̱ quityi ji'i̱ ycui' Ndyosi. “Bi cha' lo'o caja clyo'o sca nu qui'yu, li' tyu'utsu' yu to' tyi sti xtya'a̱ yu, cha' tyi'i̱ yu lo'o clyo'o yu, cha' caca ngu' sca ti xtañi tyucuaa ngu' li'.” Nga'aa si'i tucua tya'a ñati̱ laca ngu', cha' cua laca ji'i̱ ngu' ñi'ya̱ si laca ngu' sca ti ñati̱.