Popular Bible Verses from SAN MARCOS 14

Share

―Sti na' ―nacui̱ Jesús ji'i̱ ycui' Ndyosi―, lcaa lo cña nchca cua'ni nu'u̱. Bi' cha' juani, ná ta nu'u̱ chacuayá' tyacua cha' cuxi re 'na, si cajá la ñi'ya̱ nu caca cua'ni na' cña re ―nacui̱ Jesús ji'i̱ ycui' Ndyosi Sti yu―. Pana si'i ñi'ya̱ nu nti' na' cha' caca, masi cua'ni nu'u̱ lo'o na' ñi'ya̱ nu nti' ycui' nu'u̱.

Tii ti ti' ma̱ tyi'i̱ ma̱ juani. Chcui' ma̱ lo'o ycui' Ndyosi cha' ná cua'ni nu cuiñaja ngana ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na; pana ná tyu'u scua juersa ji'i̱ ma̱, bi' cha' yala tsa ndyaja' ma̱.

Chañi cha' nu chcui' na' lo'o ma̱ juani, cha' lcaa su cañi cha' jna' tyucui ña'a̱ chalyuu, ca bi' cuna ñati̱ lcaa cha' nu ngua'ni nu cuna'a̱ re juani, cha' tyi'u ti' ngu' cha' tso'o tsa cña nu ngua'ni nu cuna'a̱ re.

―Xñi'i̱ tsa ti' na' juani ―nacui̱ Jesús ji'i̱ ngu'―, nga'aa talo na' cha' xñi'i̱ tsa ti' na'. Tyanu ma̱ ca nde ti, tii ti ti' ma̱ tyi'i̱ ma̱ ―nacui̱.

Tya ndyacu ngu' si̱i̱ bi' lo'o ntejeya' Jesús ji'i̱ sca xlyá, ndya yu xlya'be ji'i̱ ycui' Ndyosi cuentya ji'i̱ xlyá bi', ngusa'be yu ji'i̱, cha' tacha ji'i̱ ngu' cha' cacu ngu'. ―Cacu ma̱ xlyá re ―nacui̱ Jesús ji'i̱ ngu'―, cha' ñi'ya̱ nti' cuaña' na', jua'a̱ nti' nu nde.

Li' ntejeya' Jesús ji'i̱ sca vaso vino, ndya yu xlya'be ji'i̱ ycui' Ni, nda yu vaso ji'i̱ ngu' cha' co'o ngu' li'. Ndyo'o lcaa ngu' vino bi' li'. ―Ñi'ya̱ nti' tañi na', jua'a̱ nti' nu nde ―nacui̱ Jesús ji'i̱ ngu'―. Tyalú tañi na' cha' caja ñi'ya̱ cuityi̱ qui'ya nu ntsu'u ji'i̱ lcaa ñati̱, cha' jua'a̱ quiñi cha' ji'i̱ ycui' Ndyosi lo'o ñati̱ chalyuu chaca quiya'.

Xa' nchcui' Jesús lo'o nu ngu' nu ndyaca tsa'a̱ ji'i̱ li': ―Caca tyuju'u ti' lcaa cu'ma̱ ña'a̱ ma̱ 'na ―nacui̱ Jesús ji'i̱ ngu'―. Xtyanu ma̱ xi 'na ca ndyi la. Li' caca cha' nu nscua lo quityi ji'i̱ ycui' Ndyosi ndi'ya̱: “Lo'o cujuii na' ji'i̱ nu ña'a̱si̱i̱ ji'i̱ xlya' bi', xna lcaa xlya' tyaa ni' li'”. Jua'a̱ nchcui' quityi.

Tyatu̱ ma̱, cha' tyaa na lacua, cha' cua ndyalaa yu nu cua ndyujui' cresiya jna' ji'i̱ ngu' xña'a̱.

―Chañi cha' nu nchcui' na' lo'o nu'u̱ ―nacui̱ Jesús ji'i̱ Pedro―. Ca ndyi sna quiya' chcui' nu'u̱ lo'o ñati̱ cha' ná nslo nu'u̱ 'na. Jua'a̱ cha' ta nu'u̱ lo'o ñati̱ nu lo'o bilya xi'ya ndye'e tucua quiya' talya ndyi.