Popular Bible Verses from San Marcos 12

Share

Insungbat ni Jesus, “Daytoy ti kangrunaan a bilin, ‘Denggem, Israel! Ti Apo a Diostayo isu laeng ti Apo. Ayatem ti Apo a Diosmo iti amin a pusom, iti amin a kararuam, iti amin a panunotmo ken iti amin a pigsam.’ Ti maikadua a kangrunaan a bilin isu daytoy: ‘Ayatem ti padam a tao a kas iti bagim.’ Awanen ti bilin a nangnangruna ngem dagitoy.”

Inayaban ni Jesus dagiti adalanna. Kinunana, “Ibagak kadakayo, ad-adu ti intinnag ti napanglaw a balo iti pagitintinnagan iti daton ngem ti intinnag dagiti dadduma. Ta intinnagda dagiti sobra ti kinabaknangda. Ngem ti balo, numan pay napanglaw, intedna ti kakaisuna nga adda kenkuana—intedna ti amin a mabalinna a pagbiag.”

Idi agtugtugaw ni Jesus iti asideg ti pagitintinnagan iti daton idiay Templo, pinalpaliiwna ti panagipisok dagiti tattao iti kuartada. Adu a babaknang ti nagitinnag iti nawadwad a kuarta. Adda balo a babai a napanglaw a nangitinnag iti dua a siping.

Ket masapul a ti tao ayatenna ti Dios iti amin a puso, iti amin a panunot ken iti amin a pigsana; ket masapul nga ayatenna ti padana a tao a kas iti panagayatna iti bagina. Naim-imbag nga adayo a tungpalen dagitoy dua a bilin ngem ti mangidaton iti Dios kadagiti animal ken kadagiti dadduma pay a sakrifisio iti altar.”

“Itedyo ngarud iti Emperador dagiti kukua ti Emperador,” kinuna ni Jesus. “Itedyo met iti Dios dagiti kukua ti Dios.” Ket nagsiddaawda kenkuana.