Popular Bible Verses from San Marcos 13

Share

Guraendakayto dagiti amin a tattao gapu kaniak. Ngem maisalakanto ti siasinoman a makaibtur agingga iti panungpalan.”

Agannadkayo. Agsaganakayo, ta diyo ammo no kaano a dumteng dayta a tiempo.

No matiliw ken maidarumkayo, saanyo a pakadanagan no anianto ti sawenyo. Maipaltiing kadakayo iti dayta a kanito. Ta dagiti isaoyonto saan nga agtaud kadakayo no di ket iti Espiritu Santo.

Mapukawto ti langit ken ti daga, ngem pulos a dinto mapukaw dagiti saok.”

“Ngem no maipapan iti yaay dayta nga aldaw wenno oras, awan ti makaammo. Saan nga ammo dagiti angheles sadi langit wenno ti Anak. Ti laeng Ama ti makaammo.

Dikay agdanag inton mangngegyo ti arimbangaw ti gubat ken damdamag maipapan kadagiti dadduma a gubgubat iti adayo. Masapul a mapasamak dagitoy, ngem dida kayat a sawen a dimtengen ti panungpalan.

“Agridamkayo ngarud, ta diyo ammo no kaano ti isasangpet ti akimbalay: mabalin nga iti sardam wenno iti tengnga ti rabii wenno iti parbangon wenno iti agsapa. Wen, agsaganakayo amangan no sumangpet a kellaat ket madanonnakayo a matmaturog. “Ti ibagak kadakayo, isaok met kadagiti amin a tattao: Agsaganakayo!”

Aggugubatto dagiti nasion, kasta met dagiti pagpagarian. Addanto ginggined kadagiti nadumaduma a lugar. Umayto ti bisin. Pangrugian laeng dagitoy ti panagsagaba a kas iti panagpasikal ti agpasngay.

Ngem sakbay a dumteng ti panungpalan, masapul a maikasaba ti Naimbag a Damag kadagiti amin a tattao.

Adunto ti umay ket aramatenda ti naganko a kunkunada, ‘Siak ti Cristo!’ ket adunto ti allilawenda.

“Agannadkayo. Tiliwen ken idarumdakayto. Saplitendakayto iti uneg dagiti sinagoga. Maisaklangkayto kadagiti agtuturay ken ar-ari gapu kaniak tapno paneknekanyo kadakuada ti Naimbag a Damag.

Ta agparangto dagiti sinan-cristo ken dagiti sinan-profeta, ket agipakitadanto kadagiti pagilasinan ken datdatlag tapno yaw-awanda dagiti pinili ti Dios.

“Kadagita nga aldaw, kalpasan ti panawen ti rigat, agsipngetto ti init, dinto agraniag ti bulan, agtinnagto dagiti bituen, ket dinto agsusurot ti urnos dagiti pannakabalin iti tangatang.