Popular Bible Verses from John 15

Share

“Sı̨ ts'ı laht'e, naxı̨ kw'ıhchı̨į̀ laaht'e. Dǫ sexè eda nı̨dè wexè nàhdè ha. Kw'ıhchı̨į̀ wek'e jìecho łǫ dehshe lanì eda ha. Sedę t'asìı wı̨ı̨zìı haahłe ha dìì hǫt'e.

Sexè aahda nı̨dè sı̨ sı naxıxè nàhdè ha. Kw'ıhchı̨į̀ wı̨ı̨zìı ts'ı dę whatsǫǫ̀ wek'e jìecho dehshe ha dìì. Ts'ı k'e kw'ıhchı̨į̀ dehshe nı̨dè zǫ, wek'e jìecho dehshe hǫt'e. Eyı xèht'eè naxı̨ sı sedę aahda ha dìì.

Sexè aahda xè seyatıì k'èahdì nı̨dè Setà ayìı weahkèe sìı naxıghàyeɂà ha.

Naxı̨ sèahchì nıìle, hanìkò sı̨ naxìhchì hǫt'e. Kw'ıhchı̨į̀ wek'e jìecho łǫ dehshe laaht'e ha naxìhchì hǫt'e. Eyı jìecho xàhoahwhıı sìı welǫ whìle ts'ǫ̀ whela ha hǫt'e. Sıızì dahxà t'alàa-sìı Setà weahkè nı̨dè Setà naxıghàyele ha hǫt'e.

Dǫ edeàgı̨ą gha ełaàwıı sìı eyı wenahk'e ełeghǫnets'eètǫ gǫ̀hłı̨-le.

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

Dıı nàowo naxıghàehɂǫ hǫt'e: Naxıghǫneehtǫ lanì ełeghǫnıahtǫ.

Kw'ıhchı̨į̀ wek'e jìecho łǫ dehshee laaht'e nı̨dè Setà weghàsǫhoedı ha. Eyı weghàà secheekeè aaht'e naxık'èhoedzǫ ha.

“Sı̨ sìı ts'ı wedeèdlı̨ı̨ aht'e, eyıts'ǫ Setà, dèè-goehshee-k'èdìı-dǫǫ̀ elı̨ hǫt'e.

Dǫ sexè eda-le sìı kw'ıhchı̨į̀ xàgeht'à gà ɂǫ̀geehdè lanì hǫt'e. Kw'ıhchı̨į̀ whegǫǫ sìı hazǫǫ̀ nàgehtsį̀ gà kwıìgeehdè gà gık'eehk'ǫ̀ hǫt'e.

Eyı naxıts'ǫ̀ haehsı̨ı̨ sìı sets'ıhɂǫ̀ naxınà gha aehsı̨, naxıdzeè t'à sıì naxınà welè.

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

Dıı nàowo naxıghàehɂǫ hǫt'e: Ełeghǫnıahtǫ.

Dıı nèk'e dǫ gıxè aaht'ı̨ nı̨dè xàè edets'ǫ dǫ lanì naxıghǫnegeètǫ ha hǫt'e. Hanìkò dıì, gıts'ǫ dǫ aaht'e nıìle, dıı nèk'e dǫ gıta gots'ǫ naxìhchì hǫt'e. Eyı ts'ıhɂǫ̀ dǫ naxıdzagı̨ı̨hwhǫ hǫt'e.