Popular Bible Verses from Exodus 6

Share

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Itertitsomavapselo nunamut isagutigijamnut (angerama) tunijomavlugo Abrahamut Isaamullo Jakomullo; ilipsingnut tamanna tunijomârpara perᴋutautilugo ilipsingnut, uvanga Nâlegaujunga. Mosesiblo tamakkoa oᴋautigivait Israêlikunut, tusalungilâlle mungunermut, oᴋumainartomiglo kivgartorᴋojaunermut.

Nâlegarle oᴋarpok Mosesemut: Mânna takojomârpotit, ᴋanok Faraomut ilioromârama, aggangnut pitsartujunut (aksorôtjauvlune) aularᴋojomârmagit, aggangnut pitsartujunut (aksorôtjauvlune) ᴋenugijomârmagit aglât nunaminit.