Popular Bible Verses from Exodus 7

Share

Nalegak oᴋarpok Mosesemut: Ahâk, Faraomut Gûdetut-itipagit, Aronelo angajuit oᴋartigijaksarivat.

Uvangale Faraub ômmatinga sittisititsomavara, nalunaikutat tatamnartullo (piniaromajakka) unuksitilugit Egiptenemiut nunangane. Faraublo tusaromaniangilâtik; tagva Egiptenemiut isagomavakka, katimagajoᴋsoaᴋutikka, inuᴋotikka Israêlikut, aularutivlugit Egiptenemit sugiartauviksoatigut.

Egiptenemiullo tukisijuksauvut uvanga Nâlegaugama, Egiptenemiut isagupkit, Israêlikullo aularutikupkit akornganit.

Tagva Faraub ilisimajut angakullo ᴋairᴋovait, tâpkoalo, Egiptenemiut ilisimajoᴋotingit aglangnik, taimailiorivut angakonermingnut. Nelliᴋârdlutik ajaupiaᴋotitik egipait ᴋuglugiangortilugit, kisiane Aronib ajaupiaᴋotingata ajaupiaᴋotingit êvait.

Imâk oᴋarpok Nâlegak: Mattomunga tukisijuksauvotit, uvanga Nâlegaugama: Ahâk, ajaupiamut tigumiartamnut kôb imanga anaugupko, ablatsângorniarpok aungorlune.

Oᴋarvigilutik Farao oᴋarpat: Tatamnartomik takuksautitsileritik! Tagva Aronemut oᴋartuksauvotit: Ajaupiaᴋotit tiguvlugo, Faraub sânganut egileruk, ᴋuglugiangortilugo. Tagva Mosese Aronelo Faraomut iterpuk taimailiorlutiglo, sorlo Nâlekab perᴋungmagik. Aronible ajaupiaᴋotine egipâ Faraub kivgangitalo sânganut ᴋuglugiangortilugo.