Popular Bible Verses from Sɛ́nflínmɛ 6

Share

A nǎ yí wǎn nú Mawu Mavɔmavɔ, Mawu towe kpódó ayi towe bǐ kpó, kpódó lǐndɔ̌n towe bǐ kpó, kpódó hlɔ̌nhlɔ́n towe bǐ kpó.

A nǎ kplɔ́n yě vǐ towe lɛ́ɛ. Ayǐjínjɔ́n wɛ a ɖe ɖo xwé towe gbe oo, ali jí wɛ a ɖe bó ɖo yiyi wɛ oo, ayǐmlɔ́mlɔ́ wɛ a ɖe oo, fɔ́n wɛ a fɔ́n oo, a nǎ nɔ́ ɖo xó ɖɔ d'é wú wɛ.

Xó élɔ́ lɛ́ɛ e xa nú we wɛ un ɖe égbé din lɛ́ɛ ká ná nɔ ayixa towe mɛ.

Mɔyízi ɖɔ: “Izlayɛ́li, ɖǒtó: Mawu Mavɔmavɔ, Mawu mǐtɔn wɛ nyí Mawu ɖokpó géé e ɖe é.

A nǎ blá xó énɛ́ lɛ́ɛ dó awa, abǐ nukɔn, bó má wá wɔn ó.

A nǎ wlán yě ɖó xwé towe sín hɔnkpo wú, bó wlán ɖó hɔntogbó toxo lɛ́ɛ tɔn sín kpo lɛ́ɛ wú.”

Mi ná ɖó sísí n'i, bó ná sɛn é ɖokpónɔ géé. É ɖokpónɔ sín nyǐkɔ wɛ mi ná nɔ́ xwlé.

Mɔyízi ɖɔ: “Ée Mawu Mavɔmavɔ, Mawu mitɔn ná kplá mi byɔ́ to e ná mi wɛ é ɖe ɔ́ mɛ, lě e é ɖɔ nú tɔ́gbó mitɔn Ablaxámu, Izáki, kpó Jakɔ́bu kpó gbɔn é ɔ́, mi ná mɔ toxo ɖaxó ɖaxó, toxo ɖagbe ɖagbe; mi wɛ ka gbá yě ǎ. Mi ná mɔ xɔ lɛ́ɛ, bɔ dɔkun tɛnmɛ tɛnmɛ e mi ma kplé ǎ lɛ́ɛ gɔ́; mi ná mɔ sɛ́tɔ e mi ma kun ǎ lɛ́ɛ; mi ná mɔ vǐwungbo kpó olívugbo e mi ma dó ǎ lɛ́ɛ kpó. Mi ná mɔ nǔ bó ɖu bó gɔ́ xo ganjí. Ée mi ka ná ɖu nǔ bó gɔ́ xo ɔ́, mi ma wɔn Mawu Mavɔmavɔ e ɖe mi tɔ́n sín Ejípu fí e mi nyí kannumɔ ɖe ɔ́ ó.

Mɔyízi ɖɔ: “Mawu Mavɔmavɔ, Mawu mitɔn ɖɔ nyɛ ní kplɔ́n gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó mi. Yě wɛ mi ná zé dó wa azɔ̌ ná ɖo to e ná yí wɛ mi ɖe ɔ́ mɛ. Énɛ́ ɔ́, ɖo gbɛzán mitɔn bǐ mɛ ɔ́, mi ná nɔ́ ɖó sísí nú Mawu Mavɔmavɔ, Mawu mitɔn, bó ná nɔ́ se tónú nú sɛ́n tɔn lɛ́ɛ, kpó nǔ e é zɔ́n bɔ un ɖɔ nú mi lɛ́ɛ kpó. Mi kpó vǐ mitɔn lɛ́ɛ kpó wɛ ná nɔ́ ɖó sísí nú gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó, bó ná dɔ́ ji.

Mi wa nǔ e nyɔ́ bó sɔgbe Mawu Mavɔmavɔ nukún mɛ lɛ́ɛ; énɛ́ ɔ́, nǔ ná nyɔ́ nú mi, bɔ mi ná yí to ɖagbe e Mawu Mavɔmavɔ zin alɔ dó akɔ́n ɖɔ émí ná ná tɔ́gbó mitɔn lɛ́ɛ é

Đó Mawu Mavɔmavɔ, Mawu mitɔn ɖo tɛ́ntin mitɔn. É nɔ́ ba gbeɖé ɖɔ mi ní sɛn nǔ ɖěvo zɛ éyɛ́ wú ǎ. Mi bo cɔ́ miɖée, bó má dó xomɛsin n'i ó. Đó mi dó xomɛsin n'i ɔ́, é sixú hu mi sín ayǐkúngban ɔ́ jí.

Mi ná sɛn vodún ǎ; mi ná sɛn togun e lɛ́ lɛ̌ dó mi lɛ́ɛ sín vodún lɛ́ɛ ǎ.

Mi ma sɔ́ tɛ́n Mawu Mavɔmavɔ, Mawu mitɔn kpɔ́n ɖě ó; mi ko bló ɖě ɖo Masa, mi ma sɔ́ bló ɖě ó.