Popular Bible Verses from Sɛ́nflínmɛ 7

Share

“Mi ní tunwun ganjí ɖɔ Mawu Mavɔmavɔ, Mawu mitɔn wɛ nyí Mawu. Mawu gbejínɔtɔ́ énɛ́ ɔ́, yě mɛ e yí wǎn n'i bó nɔ́ nyi sɛ́n tɔn lɛ́ɛ ɔ́, é nɔ́ nɔ gbejí nú akɔ e é jɛ xá yě ɔ́, bó nɔ́ nyɔ́ xomɛ dó yě wú káká yi jijimɛ afatɔ́ngɔ́ ɔ́ (1.000) jí.

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

Lo ɔ́, Mawu Mavɔmavɔ yí wǎn nú mi, lobo ɖe akpá e é zin alɔ dó akɔ́n bó dó nú tɔ́gbó mitɔn lɛ́ɛ é: hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é wɛ é sɔ́ dó ɖe mi tɔ́n sín Ejípu, fí e mi ɖo Ejípu xɔ́sú ɔ́ sín fɛn mɛ ɖe, bó nyí kannumɔ tɔn é.

Mɔyízi ɖɔ: “Ée Mawu Mavɔmavɔ ɖó kɔ mi wú, bó sɔ́ mi é ɔ́, ényí ɖɔ mi sukpɔ́ hú togun ɖě lɛ́ɛ wú wɛ ǎ; mi sukpɔ́ sɔ togun ɖě lɛ́ɛ ɖěbǔ ǎ.

Mawu Mavɔmavɔ ná dó acɛ mi jí hú togun ɖě lɛ́ɛ bǐ; súnnu mitɔn abǐ nyɔ̌nu mitɔn, abǐ kanlin mitɔn lɛ́ɛ ɖěbǔ ná zun aji ǎ.