Popular Bible Verses from Marc 13

Share

Dooge malang à ɔri sei njêt tede tà le’m. Nè doo ke orè tà’n njak sár wei’n ɓaa, Nube à aje’n.

Undei kumkunju dè ra si’t. I ndii dè nja si’t tchên, tede sei geri ndɔ ke è ɔje nga lé.

Loo ke d’ade tuwe sei kaw se si non njékonɓeege’t le kade gangi tà dè si’t ɓaa, adi kêm si tò kekek dè tà ke a i tami nga lé. Nube kuwe à ule tà ke a i tami tà si’t kêm ndɔn’t nè nga. E Ndil-Kêmnda á à ule tà tà si’t kade i tami.

Danran se nang nè à kudi ɓai, nè tàge le’m à teli yayi ndan lé.

Doo karé bè à ger ndɔ se kàde ke nyange nè à undei loo teei nga lé. Dooge ke danrán géa à geri lé a, man Ngonn doo géa m’ger lé a tɔ. Nè Bɔ’m kuwe se kar’n bere á ger.

Loo ke ooi tà rɔ éké ser rɔ ke ndɔn’t dooge à rɔi nan ɓaa, adi kàde si gete get-get lé. Gar-gar nyange nè à reei kerɔte, nè à è ngang’n lé ɓai.

Sei géa, i ndii dè nja si’t kekek tede sei geri ndɔ éké kàde ke kuwe-kei à tel ree’n nga lé. Bainléa à è tà ndalé, éké dann loo bɔp, éké non kunje ke desêin, éké tàgir loo’t. I ndii kum le kade loo ke è à unde loo tee pan ɓaa, à inge sei dè ɓi’t lé. Tà ke m’ede sei nè nga ɔje dè dooge malang a tɔ. I ndii dè nja si’t tchên kuwe.

Girkà ke karé à in rɔ se girkà karé ke rang, ngar-ɓee karé à in le rɔ se ngar-ɓee karé ke rang a tɔ. Nang nè à yei ɓuk-ɓuk a, ɓo à oso a tɔ. Nyange nè nga, ei tàpitem nyankêmkonge ke ndii à reei ke ree ɓai.

Gar-gar d’a d’ile mber Tà ke Maje nè nga kade dooge malang kété pa ɓita.

Kerɔte kuwe, dooge bule à unni ri’m le tami kedi nè: «Man nga m’ee Krist.» D’a tam bè le sú’n kum dooge bule.

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Nyantosowur à ra dooge ngain kêm ndɔn’t nè. Go’t gugu ɓaa, kàde à tel tuge ndul ndáng-ndáng, nan à nda lé. Kɔnyonge à in-in danrán tosoi nang a, tɔgmong-ge ke ade nyange ke danrán uwei nan sêm-sêm à yeii ɓuk-ɓuk a tɔ.